പൃഥ്വിരാജും വിനീത് ശ്രീനിവാസനും ഒന്നിക്കുന്നു. സുഗീത് സംവിധാനം ചെയ്യുന്ന പുതിയ ചിത്രത്തിലാണ് ഈ പുതിയ കൂട്ടുകെട്ട്. പൃഥ്വിരാജിനൊപ്പം ആദ്യമായാണ് വിനീത് ഒരു സിനിമയില്‍ അഭിനയിക്കുന്നത്.
‘ഒരു സിനിമാക്കഥ’ എന്നാണ് ചിത്രത്തിന്‍റെ പേര്. പൂര്‍ണമായും മുംബൈയില്‍ ചിത്രീകരിക്കാനാണ് സുഗീത് പ്ലാന്‍ ചെയ്തിരിക്കുന്നത്.
ഓര്‍ഡിനറി, ത്രീ ഡോട്ട്‌സ് എന്നീ സൂപ്പര്‍ഹിറ്റുകള്‍ക്ക് ശേഷം സുഗീത് ഒരുക്കുന്ന ഈ സിനിമയില്‍ മലയാളത്തിലെ മറ്റ് പ്രമുഖ താരങ്ങളും അണിനിരക്കുന്നു.
ഒടുവിലാന്‍: ഹിന്ദി സിനിമകള്‍ ലക്‍ഷ്യമിട്ട് പൃഥ്വിരാജ് ഇപ്പോള്‍ കൂടുതല്‍ സമയവും മുംബൈയിലായതിനാല്‍ ഈ സിനിമ മുംബൈയില്‍ ഷൂട്ട് ചെയ്യാന്‍ ഈസിയായിരിക്കും. മാത്രമല്ല, തുപ്പാക്കി പോലെ മുംബൈ ലൊക്കേഷനാക്കിയ ചില ചിത്രങ്ങള്‍ വന്‍ വിജയമായതോടെ മുംബൈ ഭാഗ്യലൊക്കേഷനാണെന്ന ഒരു ധാരണ സിനിമാപ്രവര്‍ത്തകര്‍ക്കുണ്ട്.
