“അങ്കമാലി ഡയറീസ് ഒരു ഫന്‍റാസ്റ്റിക് ഫിലിം ആണ്. രചനയും പെര്‍ഫോമന്‍സും ക്രാഫ്റ്റുമെല്ലാം അതിന്‍റെ ഏറ്റവും ബെസ്റ്റ് ആണ് ഇതില്‍ നല്‍കിയിരിക്കുന്നത്. ക്ലൈമാക്സ് തകര്‍പ്പനാണ്. ലിജോ ജോസ് പല്ലിശ്ശേരിക്കും ടീമിനും അഭിനന്ദനങ്ങള്‍” - കാര്‍ത്തിക് സുബ്ബുരാജ് ഫേസ്ബുക്കില്‍ കുറിച്ചു. പിസ, ജിഗര്‍തണ്ട, ഇരൈവി എന്നിവയാണ് കാര്‍ത്തിക് സംവിധാനം ചെയ്ത ചിത്രങ്ങള്‍.
മോഹന്‍ലാല്‍, പൃഥ്വിരാജ്, ലാല്‍ ജോസ്, സിബി മലയില്‍ തുടങ്ങിയവരും അങ്കമാലി ഡയറീസിനെ പ്രകീര്‍ത്തിച്ച് രംഗത്തെത്തിയിരുന്നു. വെറും ഒന്നേമുക്കാല്‍ കോടി രൂപയ്ക്ക് വിജയ് ബാബു നിര്‍മ്മിച്ച ഈ സിനിമ അതിന്‍റെ പലമടങ്ങ് ലാഭമാണ് ബോക്സോഫീസില്‍ നേടിയിരിക്കുന്നത്.
