എനിക്ക് ഒരു ആക്ടറെ അഭിനയിപ്പിക്കുന്ന സമയത്ത് അവരുടെ ബെസ്റ്റ് എടുക്കണമെന്ന് നിര്‍ബന്ധമുണ്ട്. ഒരു ഉദാഹരണം പറയാം, മുംബൈ പൊലീസിലെ പൊലീസ് പ്രതിജ്ഞ രംഗം. കുഞ്ചേട്ടനാണ് അഭിനയിക്കുന്നത്. തിയേറ്ററുകളില്‍ ഏറ്റവുമധികം കയ്യടി കിട്ടിയ സീനാണ് ആ ഓത്ത് രംഗം.
ഞാന്‍ ആ രംഗത്തിന് 120 ടേക്കാണ് എടുത്തത്. രാവിലെ ഏഴുമണി മുതല്‍ 11.30 വരെയാണ് ആ രംഗം എടുത്തത്. 120 ടേക്കുകള്‍. ആ രംഗത്തില്‍ പൃഥ്വിരാജുമുണ്ട്, മറ്റ് അഭിനേതാക്കളുമുണ്ട്. ഐ വാണ്ട് ദി ബെസ്റ്റ് ഫ്രം കുഞ്ചേട്ടന്‍ - അതായിരുന്നു എന്‍റെ സ്റ്റാന്‍ഡ്.
കഴിഞ്ഞ ദിവസം എന്‍റെ വീട്ടില്‍ വന്നപ്പോള്‍ പോലും കുഞ്ചേട്ടന്‍, ‘എടാ, ഇത്ര വര്‍ഷം ഞാന്‍ സിനിമയില്‍ അഭിനയിച്ചിട്ട് ആ ഒറ്റ സീന്‍, അതെന്‍റെ ജീവിതത്തിലെ ബെസ്റ്റ് പെര്‍ഫോമന്‍സാണ്’ എന്നുപറഞ്ഞു.
അത്രയും ടേക്ക് എടുക്കേണ്ടിവന്നത്, ചിലപ്പോള്‍ ചില കുഞ്ഞുകാര്യങ്ങള്‍ ആയിരിക്കും, അത് കിട്ടിയില്ലെങ്കില്‍ വീണ്ടും വീണ്ടും എടുത്തുകൊണ്ടേയിരിക്കും - റോഷന്‍ ആന്‍ഡ്രൂസ് വ്യക്തമാക്കുന്നു.
