ആക്രമിക്കപ്പെട്ട നടിയ്ക്ക് വേണ്ടി സംസാരിച്ചതിന്റെ പേരില്‍ സിനിമകളില്‍ നിന്ന് ഒഴിവാക്കാന്‍ ശ്രമം നടന്നെന്ന് രമ്യാ നമ്പീശന്‍.നിലപാടുകള്‍ എടുക്കുമ്പോള്‍ ത്യാഗം സഹിക്കേണ്ടി വരും. ആക്രമിക്കപ്പെട്ട സുഹൃത്തിന് വേണ്ടി സംസാരിച്ചപ്പോള്‍ ഒഴിവാക്കല്‍ ശക്തമായെന്നും രമ്യാ നമ്പീശൻ വ്യക്തമാക്കി.മാതൃഭൂമി ന്യൂസിനോടായിരുന്നു രമ്യയുടെ പ്രതികരണം.
ആ സമയങ്ങളിലെല്ലാം കൂടെ നിന്നത് സുഹൃത്തുക്കള്‍ മാത്രമാണെന്നും രമ്യ പറഞ്ഞു. പറയേണ്ട കാര്യങ്ങള്‍ ഇനിയും തുറന്നു പറയുമെന്നും നടി വ്യക്തമാക്കി.നേരത്തെ താരസംഘടനയായ ‘അമ്മ’യില്‍ നിന്ന് രാജി വെച്ച ശേഷം തന്നെ അടിച്ചമര്‍ത്താന്‍ ശ്രമിക്കുന്നുണ്ടെന്ന് രമ്യ പറഞ്ഞിരുന്നു. ദിലീപിനെ സംഘടനയിലേക്ക് തിരിച്ചെടുക്കാനുള്ള ‘അമ്മ’യുടെ നിലപാടില്‍ പ്രതിഷേധിച്ചാണ് രമ്യാ നമ്പീശന്‍ ഉള്‍പ്പെടെ നാലു നടിമാര്‍ സംഘടനയില്‍ നിന്നും രാജിവെച്ചത്.
