“ദുല്‍ക്കര്‍ സല്‍മാന്‍ അവതരിപ്പിച്ച കഥാപാത്രമായി ആര്യയെയും ഫഹദിന്‍റെ വേഷത്തില്‍ റാണ ദഗ്ഗുബാട്ടിയെയും പാര്‍വതിയുടെ വേഷം അവര്‍ തന്നെ അവതരിപ്പിക്കട്ടെ എന്നും നേരത്തേ തീരുമാനിച്ചിരുന്നു. മറ്റ് കഥാപാത്രങ്ങളുടെ കാര്യത്തിലാണ് പ്രശ്നം സംഭവിച്ചത്. ഒരുപാട് പേരെ വിവിധ വേഷങ്ങളിലേക്കായി പരിഗണിച്ചു. ഒന്നും ശരിയായില്ല. നസ്രിയ അവതരിപ്പിച്ച കഥാപാത്രമായി അവരെ തന്നെ കൊണ്ടുവരാന്‍ നോക്കി. എന്നാല്‍ വിവാഹം കഴിഞ്ഞതിനാല്‍ അതിന് സാധിച്ചില്ല. ഒടുവില്‍ ശ്രീദിവ്യയെ ആ കഥാപാത്രത്തിനായി നിശ്ചയിച്ചു. നിത്യാ മേനോന്‍ അവതരിപ്പിച്ച കഥാപാത്രമായി സമാന്തയും വന്നു” - ഭാസ്കര്‍ പറയുന്നു.
