2008 ലെ വിഷുഫലം അശ്വതി നക്ഷത്രത്തില്‍ ജനിച്ചവര്‍ക്ക് പൊതുവേ ഭാഗ്യദേവതയുടെ കടാക്ഷം ലഭിക്കും എന്ന സൂചനയാണ് നല്‍കുന്നത്. ഏറെക്കാലമായുള്ള പല ആഗ്രഹങ്ങള്‍ക്കും നിവൃത്തിയുണ്ടാകും. സന്താനസൌഭാഗ്യം, പുതിയ തൊഴില്‍, പ്രത്യേകിച്ച് വിദേശത്ത്, എന്നിവയും ഫലം.
എന്നാല്‍ പഠന വിഷയത്തില്‍ ഈ വര്‍ഷം അത്രത്തോളം മെച്ചമാവില്ല. ബുധന്‍റെ സഹകരണ കുറവാണിതിനു കാരണമായി കാണുന്നത്. ഗൃഹനിര്‍മ്മാണത്തിന് യോജിച്ച സമയം. വിവാഹബന്ധത്തിനും പറ്റിയ സമയം.
പൊതുവേ കുടുംബ സൌഖ്യം, ആരോഗ്യ നില മെച്ചം, സാമ്പത്തിക നില മെച്ചം എന്നിവയും ഇത്തവണത്തെ ഫലങ്ങളാണ്. ദോഷ നിവാരണത്തിനായി വിഷ്ണു പരമേശ്വരന്‍‌മാരെ ധ്യാനിക്കുന്നത് ഉത്തമം.
ഭരണി
ഭരണി നക്ഷത്രക്കാര്‍ക്ക് 2008 ലെ വിഷുഫലം പൊതുമേ മെച്ചമാണ് സൂചിപ്പിക്കുന്നത്. ബന്ധുഗുണം പലതരത്തിലും ലഭിക്കും. അനാവശ്യകാര്യങ്ങളില്‍ തലയിട്ട് പ്രശ്നങ്ങള്‍ ഉണ്ടാക്കാതിരിക്കാന്‍ ശ്രദ്ധിക്കണം.
ബന്ധുക്കളുടെയും ഗുരുജനങ്ങളുടെയും ഉപദേശങ്ങള്‍ക്ക് അര്‍ഹമായ മാന്യത നല്‍കി വേണ്ട രീതിയില്‍ പ്രവര്‍ത്തിക്കുക ഉത്തമം. അവിചാരിതമായ ധനലാഭത്തിനും സാധ്യതയുണ്ട്. എന്നാല്‍ സ്ത്രീകള്‍ക്ക് ചില്ലറ ശാരീരിക വിഷമതകള്‍ ഉണ്ടാവും.
ഏറെക്കാലമായുള്ള വിദേശ യാത്രാ ലക്‍ഷ്യം സാധിക്കും. പഠനവുമായി ബന്ധപ്പെട്ട കാര്യങ്ങളില്‍ അതീവ പുരോഗതിയുണ്ടാവും. സകല ഐശ്വര്യങ്ങള്‍ക്കും രാമമന്ത്രം ഉരുവിടുന്നതും ഹനുമാന്‍ ക്ഷേത്ര ദര്‍ശനം നടത്തുന്നതും ഉത്തമം.
കാര്‍ത്തിക
കാര്‍ത്തിക നക്ഷത്രക്കാര്‍ക്ക് 2008 ലെ വിഷുഫലം പൊതുവേ ഗുണദോഷ സമ്മിശ്ര സൂചനയാണ് നല്‍കുന്നത്. പല നേട്ടങ്ങള്‍ക്കും ഇക്കൊല്ലം സാക്‍ഷ്യം വഹിക്കുമെങ്കിലും ചില്ലറ ആരോഗ്യ പ്രശ്നങ്ങള്‍ ഉണ്ടാവും എന്ന് ഉറപ്പാണ്.
അടുത്ത ബന്ധുക്കള്‍ക്കും രോഗസാധ്യത തള്ളിക്കളയാവുന്നതല്ല. കടം വാങ്ങാന്‍ കൂടുതല്‍ പ്രേരണ ഉണ്ടാവും. പഠന വിഷയത്തില്‍ കൂടുതല്‍ ശ്രദ്ധ നന്ന്. ജോലി ലഭിക്കാനും സാധ്യത.
ധന സംബന്ധമായ ഏത് ഇടപാടുകള്‍ക്കും തികഞ്ഞ ജാഗ്രത പുലര്‍ത്തുക ഉത്തമം. ആത്മവിശ്വാസം ഒരിക്കലും കളയാതെ സൂക്ഷിക്കുക. ഒന്നിലും വ്യാകുലപ്പെടരുത്. പ്രശ്ന പരിഹാരങ്ങള്‍ക്ക് ധര്‍മ്മശാസ്താവിനെ ധ്യാനിക്കുന്നത് ഉത്തമം.
രോഹിണി
രോഹിണി നക്ഷത്രത്തില്‍ ജനിച്ച നിങ്ങള്‍ക്ക് ഇത്തവണത്തെ വിഷു ഫലം തികച്ചും പ്രയോജനപ്രദമാണ്. മാനസികമായ പിരിമുറുക്കങ്ങള്‍ എല്ലാം അകലും എന്നതാണ് ഏറ്റവും പ്രധാനം. ഈ വര്‍ഷത്തെ ഗ്രഹ നില അനുസരിച്ച് രോഗബാധകള്‍ തീര്‍ത്തും അകലും എന്നാണ് സൂചന.
സാമ്പത്തിക നില മെച്ചപ്പെടും. കായികമായി അധ്വാനിക്കുന്ന വിഭാഗത്തില്‍ പെട്ട എല്ലാവര്‍ക്കും ഏറെ പ്രയോജനമുണ്ടാവും. എന്നാല്‍ വിവാഹം സംബന്ധിച്ച് ഏറെ പ്രയോജനം ഉണ്ടായെന്നു വരില്ല.
ഏതു വിഷയത്തിലും സംയമനത്തോടെ കാര്യങ്ങള്‍ തീര്‍പ്പുകല്‍പ്പിക്കാന്‍ ശ്രമിക്കുക. വിദേശത്ത് ജോലി ചെയ്യുന്നവര്‍ക്കും മെച്ചം. വിഘ്നേശ്വരന്‍, ഹനുമാന്‍ എന്നിവരെ ധ്യാനിക്കുന്നത് ജീവിത വിജയത്തിന് ഉത്തമം.
മകയിരം
2008 ലെ വിഷുഫലം അനുസരിച്ച് മകയിരം നാളുകാര്‍ പൊതുവേ ഏത് വിഷയത്തിലും തികഞ്ഞ ജാഗ്രത പുലര്‍ത്തേണ്ടതുണ്ട്. സാമ്പത്തികമായും ആരോഗ്യപരമായും നിരവധി പ്രശ്നങ്ങളെ അഭിമുഖീകരിക്കേണ്ടി വരും എന്നാണ് ഗ്രഹനില നല്‍കുന്ന സൂചനകള്‍.
പ്രണയം, വിവാഹം എന്നിവ സംബന്ധിച്ച കാര്യങ്ങള്‍ തീര്‍ത്തും വര്‍ജ്ജ്യമാണ്. വിലപിടിപ്പുള്ള പല വസ്തുക്കളും നഷ്ടപ്പെടാന്‍ ഇടയുണ്ട്. ആദ്യത്തെ ആറ് മാസക്കാലം പൊതുവേ അനുകൂലമാണ്.
വഞ്ചനയെ ഭയന്ന് ജീവിക്കാന്‍ ജാഗ്രത. സാമ്പത്തികമായി ഏറെ നേട്ടങ്ങള്‍ ഉണ്ടാവും എങ്കിലും സമയത്തിന് പ്രയോജനപ്പെട്ടെന്ന് വരില്ല. പഠനത്തില്‍ ശ്രദ്ധപതിപ്പിക്കുക. വിഷ്ണുവിനെ ഭജിക്കുന്നത് ഉത്തമം.
തിരുവാതിര
തിരുവാതിരക്കാര്‍ക്ക് ഇത്തവണത്തെ വിഷഫലം പൊതുവേ മെച്ചമാണ്. ഗുണ ദോഷ സമ്മിശ്രമാണെങ്കിലും ഗുണം തന്നെയാണ് അധികവും. വിവിധ കാര്യങ്ങളില്‍ പണം മുടക്കുന്നവര്‍ക്ക് മെച്ചം ഉറപ്പാണ്. അതേ സമയം ചെലവ് ചുരുക്കാനും ശ്രദ്ധിക്കണം.
വാഹനം, സ്വത്ത്, പുതുവസ്ത്രം എന്നിവ ലഭിക്കാന്‍ ഈ വര്‍ഷത്തില്‍ യോഗം കാണുന്നു. വിദേശ യാത്ര കാംഷിക്കുന്നവര്‍ക്ക് ഫലം ലഭിക്കും. എന്നാല്‍ ദാമ്പത്യ ജീവിതത്തില്‍ ചില്ലറ കല്ലുകടികള്‍ക്ക് സാധ്യതയുണ്ട്.
ആരോഗ്യം പൊതുവേ മെച്ചമായിരിക്കും. അനാവശ്യ കാര്യങ്ങളില്‍ തലയിട്ട് പ്രശ്നങ്ങള്‍ ഉണ്ടാക്കാതിരിക്കാന്‍ ശ്രമിക്കുക. ലക്ഷ്മീ ദേവിയെ പ്രാര്‍ത്ഥിക്കുന്നത് ഏത് പ്രശ്നങ്ങള്‍ക്കും പരിഹാരമാവും.
പുണര്‍തം
പുണര്‍തം നക്ഷത്രക്കാര്‍ക്ക് ഇത്തവണത്തെ വിഷു ഫലം അനുസരിച്ച് ജീവിതത്തില്‍ കാര്യമായ പല മാറ്റങ്ങളും സംഭവിക്കും എന്നാണ് സൂചന. കഠിനാധ്വാനത്തിലൂടെ ഫലസിദ്ധി കൈവരും. വിവാഹ ജീവിതത്തിനു മികച്ച തുടക്കം ലഭിക്കും.
ആരോഗ്യ സംബന്ധമായി ഡിസംബറിനു ശേഷം തികഞ്ഞ ജാഗ്രത പുലര്‍ത്തുന്നത് ഉത്തമം. ഈ വര്‍ഷം സാമ്പത്തികമായി പൊതുവേ മെച്ചം. ഉടമ്പടികള്‍, കരാറുകള്‍ എന്നിവയില്‍ ഏര്‍പ്പെട്ട് നേട്ടം കൈവരിക്കും. രാഷ്ട്രീയക്കാര്‍ക്ക് പൊതുവേ മെച്ചം കൂടും.
വിദ്യാഭ്യാസ സംബന്ധമായ വിഷയങ്ങളില്‍ വന്‍ വിജയം നേടും. മാതാ പിതാക്കളുടെ അനുഗ്രഹാശിസ്സുകള്‍ ലഭ്യമാവും. ശാസ്ത ക്ഷേത്ര ദര്‍ശനം പ്രശ്ന പരിഹാരങ്ങള്‍ക്ക് ഉത്തമമാവും. ദേവി ഭാഗവത പാരായണവും ഉത്തമം.
പൂയം
2008 ലെ വിഷുഫലം പൂയം നക്ഷത്രക്കാരെ സംബന്ധിച്ചിടത്തോളം തികച്ചും അനുകൂലമാണ്. മാനസിക വിഷമങ്ങള്‍ തീര്‍ത്തും അകന്നുപോവും. പുതിയ സുഹൃദ് ബന്ധങ്ങള്‍ ഉടലെടുക്കും. ബന്ധുക്കളുമായി ഉറ്റ ബന്ധം സ്ഥാപിക്കും.
വ്യാപാരം, കൃഷി, ബന്ധുക്കള്‍ എന്നിവയിലൂടെ പല തരത്തിലുമുള്ള ധനാഗമന മാര്‍ഗ്ഗങ്ങള്‍ പുതുതായി തുറന്നുകിട്ടും. വാഹനം, ഭൂമി എന്നിവ കൈമാറ്റം ചെയ്യാന്‍ സാധ്യത കാണുന്നു. ആരോഗ്യ നില അത്ര തൃപ്തികരമാവില്ല. ജാഗ്രത വേണം.
പഠനം സംബന്ധിച്ച് തികഞ്ഞ ജാഗ്രത പുലര്‍ത്തുക ഉത്തമം. അയല്‍ക്കാരും സഹോദരങ്ങളും സഹകരിച്ച് പ്രവര്‍ത്തിക്കും. പാര്‍വതീ പരമേശ്വരന്‍‌മാരെ ധ്യാനിക്കുന്നത് തീര്‍ത്തും ഉത്തമമാണ്.
ആയില്യം
ആയില്യം നക്ഷത്രക്കാര്‍ക്ക് 2008 ലെ വിഷുഫലം അത്ര മെച്ചമല്ല എന്ന സൂചനയാണ് നല്‍കുന്നത്. അദ്യ പകുതി പൊതുവേ മെച്ചമല്ല എന്ന് തീര്‍ച്ചയാണ്. ദാമ്പത്യ ജീവിതത്തില്‍ ചില്ലറ പൊരുത്തക്കേടുകള്‍ ഉണ്ടാവും.
സമൂഹവുമായി ചേര്‍ന്ന് പോവാന്‍ കഴിയും. രണ്ടാം പകുതി പൊതുവേ മെച്ചമാണ്. സാമ്പത്തികമായും ആരോഗ്യപരമായും കുടുംബപരമായും അനുകൂല ഫലങ്ങളാണ് ഉണ്ടാവുക. ജോലിയില്‍ ഉയര്‍ച്ചയ്ക്ക് സാധ്യത കാണുന്നു.
പലവിധത്തിലുമുള്ള അംഗീകാരങ്ങള്‍ക്ക് സാധ്യതയുണ്ട്. ആദായം വര്‍ദ്ധിപ്പിക്കാനുള്ള ശ്രമം വിജയിക്കും. നാഗരാജാവിന് പൂജകള്‍ ചെയ്യുക, ശങ്കരനാരായണ മൂര്‍ത്തിയെ ധ്യാനിക്കുക എന്നതും ദോഷ ശാന്തിക്ക് ഉത്തമം.
മകം
മകം നക്ഷത്രത്തില്‍ ജനിച്ചവര്‍ക്ക് 2008 ലെ വിഷു ഫലം പ്രകാരം ഏറെയൊന്നും മെച്ചം കാണുന്നില്ല. എങ്കിലും സ്വ പ്രയത്നത്താല്‍ പല നേട്ടങ്ങളും കൈവരിക്കാന്‍ കഴിയും. പ്രതീക്ഷകള്‍ അസ്ഥാനത്താവില്ല എന്ന് സമാധാനിക്കുക.
ഗൃഹനിര്‍മ്മാണം, ഭൂമി വാങ്ങല്‍ എന്നിവയ്ക്ക് മുതിരാതിരിക്കുക. നിക്ഷേപങ്ങളുമായി പൊരുത്തപ്പെടില്ല. ത്വക് രോഗങ്ങള്‍ വരാന്‍ സാധ്യത കാണുന്നു. ആരോഗ്യ നില മധ്യമം.
ഉദ്ദേശിച്ചതും പ്രതീക്ഷിച്ചതുമായ സഹായങ്ങളോ പ്രതിഫലമോ ലഭിച്ചെന്നു വരില്ല. ചില്ലറ തടസങ്ങള്‍ ഏതിലും ഉണ്ടാവും. ഏതിലും ഏകാഗ്രതയോടെ പ്രവര്‍ത്തിക്കുക. ദേവി, ശാസ്താവ് എന്നിവരെ തൃപ്തിപ്പെടുത്തുന്നത് ദോഷങ്ങളുടെ കാഠിന്യം കുറയ്ക്കാന്‍ സഹായിക്കും.
പൂരം
ആരോഗ്യ സംബന്ധമായി തീര്‍ത്തും മെച്ചപ്പെടും എന്നാണ് 2008 ലെ വിഷുഫലം നല്‍കുന്ന സൂചനകള്‍. ജീവിതത്തിലെ പ്രധാന വഴിത്തിരിവുകള്‍ക്കും ഈ വര്‍ഷം സാക്ഷിയാവും എന്നാണ് സൂചന.
പ്രവര്‍ത്തന മേഖല വികസിക്കും. ശത്രുക്കള്‍ തീര്‍ത്തും ഇല്ലാതാവും. യാത്ര സംബന്ധിച്ച് ഏതു കാര്യങ്ങളിലും അതീവ ജാഗ്രത പുലര്‍ത്തുക. ബന്ധുക്കളുമായി ഒത്തുചേര്‍ന്ന് പോവുക നന്ന്.
സന്താനങ്ങളും സഹോദരങ്ങളും ഏതു കാര്യങ്ങള്‍ക്കും സഹകരിക്കും. പഠനം സംബന്ധിച്ച കാര്യങ്ങളില്‍ പുരോഗതി. ഈശ്വരവിശ്വാസം അത്യാവശ്യമാണ്. രാജരാജേശ്വരിയെ ഉപാസിക്കുന്നത് കഷ്ടനഷ്ടങ്ങള്‍ ഇല്ലാതാക്കാന്‍ ഉപകരിക്കും.
ഉത്രം
ഇത്തവണത്തെ വിഷുഫലം ഉത്രം നാളുകാര്‍ക്ക് ഏറ്റവും അധികം മെച്ചം തരും എന്നാണ് സൂചന നല്‍കുന്നത്. സന്താനസൌഭാഗ്യം, ജോലി സ്ഥിരത, മികച്ച ആരോഗ്യം എന്നിവ ഫലം. ആദായ മാര്‍ഗ്ഗങ്ങള്‍ പലതും പുതുതായി ഉണ്ടാവും.
ഈശ്വര കടാക്ഷം ഏതു കാര്യത്തിലും ദൃശ്യമാവും. എങ്കിലും വര്‍ഷം പകുതിക്ക് ശേഷം പാരമ്പര്യ രോഗങ്ങള്‍ ഏതെങ്കിലും ഉണ്ടെങ്കില്‍ ചില്ലറ പ്രശ്നങ്ങള്‍ക്ക് സാധ്യത. വാഹന യോഗം ഉണ്ട്. യാത്രകളില്‍ തികഞ്ഞ ജാഗ്രത വേണം.
2008 ലെ വിഷു ഫലം നല്‍കുന്ന സൂചനകള്‍ അനുസരിച്ച് ധൈര്യം എപ്പോഴും ഏതു പ്രവര്‍ത്തിയിലും ഉണ്ടാകണം എന്ന് നിശ്ചയമാണ്. അനാവശ്യ കാര്യങ്ങളില്‍ ഇടപെടുന്നത് തീര്‍ത്തും ഒഴിവാക്കുന്നത് ഉത്തമം. ആരോഗ്യ നിലയില്‍ അനുകൂലമായ സമയം.
ജോലിസ്ഥലത്ത് ഉന്നതാധികാരികള്‍ അനുകൂലമായി പെരുമാറും. സര്‍ക്കാര്‍ വിഷയങ്ങളില്‍ തീര്‍ത്തും അനുകൂലമായ തീരുമാനം ലഭിക്കും. ആദായം പലതരത്തിലും വര്‍ദ്ധിക്കും. മാനസിക സന്തോഷം തരുന്ന പല പ്രവര്‍ത്തികള്‍ക്കും സാക്‍ഷ്യം വഹിക്കും.
സന്താനങ്ങളും സഹോദരങ്ങളും സഹകരിച്ച് പ്രവര്‍ത്തിക്കും. അയല്‍ക്കാരില്‍ നിന്ന് ചില്ലറ പ്രശ്നങ്ങള്‍ ഉണ്ടാവും. സമചിത്തത ഏതു പ്രവര്‍ത്തിയിലും അത്യാവശ്യം. വിദ്യാഭ്യാസത്തില്‍ ഉയര്‍ച്ചയും ഫലം. ദക്ഷിണാമൂര്‍ത്തി, ദേവി എന്നിവരെ പ്രീതിപ്പെടുത്തുന്നത് ദുരിത നിവാരണങ്ങള്‍ക്ക് ഏറ്റവും ഉത്തമം.
ചിത്തിര
ചിത്തിര നക്ഷത്രക്കാര്‍ക്ക് ഇത്തവണത്തെ വിഷു ഫലം ഗുണദോഷ സമ്മിശ്രമാണ്. വിദേശ വാസത്തിന് അനുകൂലമായ സമയം. ഭൂമി കച്ചവടം സംബന്ധിച്ച് പ്രവര്‍ത്തിക്കുന്നവര്‍ക്കും അനുകൂല സമയം. ഭവന നിര്‍മ്മാണം പൂര്‍ത്തിയാക്കും.
വാഹനം, ആയുധം, വൈദ്യുതി എന്നിവ വളരെ സൂക്ഷിച്ച് മാത്രം കൈകാര്യം ചെയ്യുക. അനാവശ്യ പ്രശ്നങ്ങള്‍ ഇടപെടുകയോ ജാമ്യം നില്‍ക്കുകയോ മധ്യസ്ഥ പ്രവര്‍ത്തനങ്ങളില്‍ ഏര്‍പ്പെടുകയോ ചെയ്യരുത്.
പൂര്‍ത്തീകരിക്കാന്‍ കഴിയുന്ന വാഗ്ദാനങ്ങള്‍ മാത്രം നല്‍കുക. പഠന വിഷയങ്ങളില്‍ പുരോഗതി, ദാമ്പത്യ ബന്ധം മെച്ചപ്പെടും. പരമശിവനെ ധ്യാനിക്കുന്നതും ശിവക്ഷേത്ര ദര്‍ശനം നടത്തുന്നതും പ്രശ്നങ്ങള്‍ ദൂരീകരിക്കാന്‍ മെച്ചം.
ചോതി
ചോതി നക്ഷത്രത്തില്‍ ജനിച്ചവര്‍ക്ക് 2008 ലെ വിഷുഫലം പൊതുവെ മെച്ചമാണ്. എങ്കിലും തൊഴില്‍ രംഗത്ത് ശത്രുശല്യം ഉണ്ടാവാതെ നോക്കുന്നത് നന്ന്. കൃഷിയില്‍ നിന്ന് മികച്ച ആദായം ലഭിക്കും. ആരോഗ്യ നില പൊതുവെ മെച്ചമായിരിക്കും.
താമസ സ്ഥലം മാറാന്‍ സാധ്യത കാണുന്നു. ദാമ്പത്യ ജീവിതത്തില്‍ തീര്‍ത്തും അനുകൂലമായ സമയമാണിപ്പോള്‍. ആദായ മാര്‍ഗ്ഗങ്ങള്‍ പലതും പുതുതായി തുറക്കും. മാതാ പിതാക്കളുടെ ആരോഗ്യ രംഗത്ത് തികഞ്ഞ ശ്രദ്ധ നല്‍കുന്നത് ഉത്തമം. വിദ്യാഭ്യസ വിഷയങ്ങളില്‍ ഉയര്‍ച്ച.
അടുക്കും ചിട്ടയും ഏതു കാര്യത്തിലും പ്രദര്‍ശിപ്പിക്കുന്നത് തീര്‍ത്തും ഉത്തമം. മംഗള കര്‍മ്മങ്ങളുമായി ചേര്‍ന്ന് പ്രവര്‍ത്തിക്കാന്‍ അവസരം കൈവരും. ഏവരുടെയും പ്രശംസയ്ക്ക് പാത്രമാവും. ദുരിത ദോഷ നിവാരണത്തിനായി മഹാഗണപതിയെ ധ്യാനിക്കുന്നത് ഏറ്റവും ഉത്തമം.
വിശാഖം
ഏറ്റവും പ്രയോജനപ്രദമായ പല ഗുണ ഫലങ്ങള്‍ക്കും ഇത്തവണത്തെ വിഷു ഫലം സാക്ഷിയാവും എന്നതാണ് വിശാഖം നക്ഷത്രക്കാര്‍ക്കുള്ളത്. ധനസമ്പാദ്യം ശരിയായ മാര്‍ഗ്ഗത്തിലൂടെ മാത്രം ചെയ്യുക. ജോലിസ്ഥിരത, ഉയര്‍ച്ച എന്നിവയും ഫലം.
ശാരീരിക വിഷമതകള്‍ പലതും ഇല്ലാതാവും. എങ്കിലും പാരമ്പര്യ രോഗങ്ങള്‍ ചില്ലറ വിഷമതകള്‍ ഉണ്ടാക്കിയേക്കും. കൃഷി രംഗത്ത് ഉയര്‍ച്ച. അയല്‍ക്കാരില്‍ നിന്ന് അനുകൂലമായ പെരുമാറ്റം. വിദ്യാഭ്യാസ രംഗത്ത് ഉയര്‍ച്ച.
യാത്രകള്‍ അധികമാവും എങ്കിലും പ്രയോജനപ്പെടും. ഏതു വിധത്തിലുമുള്ള മത്സരങ്ങളെ അതിജീവിക്കാന്‍ കഴിയും എന്ന ആത്മവിശ്വാസം വളര്‍ത്തുക. ഹനുമാന്‍ സ്വാമിയെ പ്രീതിപ്പെടുത്തുന്നത് ഏറ്റവും ഉത്തമം. പാര്‍വതീ ദേവിയും അനുഗ്രഹിക്കും.
അനിഴം
2008 ലെ വിഷുഫലം അനിഴം നക്ഷത്രക്കാര്‍ക്ക് എല്ലാവരില്‍ നിന്നും സഹായം ലഭിക്കും എന്ന സൂചനയാണ് പ്രധാനമായും നല്‍കുന്നത്. ആദായം വര്‍ധിക്കും. എന്നാല്‍ ചെലവ് വരുമാനത്തിന് അനുസരിച്ച് വേണം എന്ന് ഓര്‍ക്കുക.
മാനസിക നിയന്ത്രണം അത്യാവശ്യം. വാഹനങ്ങളുമായി ബന്ധപ്പെട്ട ഏത് പ്രവര്‍ത്തിയിലും അതീവ ജാഗ്രത വേണം. താമസ സ്ഥലം, പ്രവൃത്തി സ്ഥലം എന്നിവ മാറാന്‍ സാധ്യത കാണുന്നു. ഉദ്ദേശങ്ങള്‍ പലതും സാധിക്കാന്‍ സാധ്യത കാണുന്നു.
വയറ്, കുടല്‍ എന്നിവ സംബന്ധിച്ച ആരോഗ്യ പ്രശ്നങ്ങള്‍ക്ക് സാധ്യത കാണുന്നു. വിദ്യാഭ്യാസ സംബന്ധമായ ഉയര്‍ച്ച. സഹോദരങ്ങള്‍, സുഹൃത്തുക്കള്‍ എന്നിവരുടെ സഹായ സഹകരണങ്ങള്‍ ഉണ്ടാവും. കഷ്ട നഷ്ടങ്ങള്‍ ഒഴിവാക്കാനായി സുദര്‍ശന മൂര്‍ത്തിയെ ധ്യാനിക്കുന്നത് ഏറ്റവും ഉത്തമം.
കേട്ട
ആരോഗ്യ സംബന്ധമായി ഏറ്റവും മികച്ച വര്‍ഷമാണിത് എന്നാണ് 2008 ലെ വിഷുഫലം അനിഴം നക്ഷത്രക്കാര്‍ക്ക് നല്‍ക്കുന്ന സന്ദേശം. ശാരീരിക വിഷമതകള്‍ തീര്‍ത്തും മാറിക്കിട്ടും. ദാമ്പത്യ രംഗത്തും മികച്ച സമയം.
പഴയ സാധനങ്ങള്‍ വാങ്ങി ഉപയോഗിക്കാന്‍ തയ്യാറാവരുത്. നഷ്ടം സംഭവിക്കാന്‍ സാധ്യത. കാര്‍ഷികാഭിവൃദ്ധി ഉണ്ടാവും. കച്ചവടത്തിലും പൊതുവേ ലാഭം. ആത്മീയ കാര്യങ്ങളില്‍ കൂടുതല്‍ സമയം ചെലവാക്കും.
അടുത്ത ബന്ധുക്കളുടെ വിയോഗത്തിനു സാധ്യത കാണുന്നു. വിദ്യാഭ്യാസ വിഷയങ്ങളില്‍ ബന്ധുക്കളുടെ സഹായം ഉണ്ടാവും. ഉല്ലാസ യാത്രയ്ക്ക് പറ്റിയ സമയം. തീര്‍ത്ഥയാത്ര പോവും. ദുരിത നിവാരണത്തിന് അയ്യപ്പ സ്വാമിയെ അഭയം പ്രാപിക്കുക ഉത്തമം.
മൂലം
ഈ വര്‍ഷം ഏതു വിധത്തിലും പ്രയോജനപ്പെടും എന്ന സൂചനയാണ് പൂരാടക്കാര്‍ക്ക് 2008 ലെ വിഷു ഫലം നല്‍കുന്ന സൂചന. സാമ്പത്തികമായും കാര്‍ഷിക പരമായും അനുകൂലമായ സമയമാണിത്. ആരോഗ്യ നിലയും പൊതുവെ ഉത്തമം. സന്താന സൌഭാഗ്യവും ഫലം.
ഈശ്വരാധീനം ഏതു കാര്യത്തിലും ഉണ്ടാവും എന്ന് തീര്‍ച്ചയാണ്. ജോലിയില്‍ ഉയര്‍ച്ച, മെച്ചപ്പെട്ട ജോലി ലഭ്യത എന്നിവയും ഫലം. സാമൂഹ്യ സേവന രംഗത്തുള്ളവര്‍ക്ക് ഏറ്റവും മെച്ചപ്പെട്ട സമയം. ശത്രുക്കള്‍ പൊതുവേ കുറയും.
സഹപ്രവര്‍ത്തകര്‍ അനുകൂലമായി പെരുമാറും. ഉദ്ദേശിച്ച ഒട്ടേറെ കാര്യങ്ങള്‍ അനുകൂലമായി ഭവിക്കും. ബന്ധുബലം ഉണ്ടാവും. എങ്കിലും അതിഥി ശല്യം ഉണ്ടാവാന്‍ സാധ്യത. ഹനുമാന്‍ സ്വാമിയെ ഭജിക്കുന്നത് ഏറ്റവും ഉത്തമം.
പൂരാടം
സാമ്പത്തിക നില തീര്‍ത്തും മെച്ചപ്പെടും എന്നതാണ് 2008 ലെ വിഷുഫലം പൂരാടക്കാര്‍ക്ക് നല്‍കുന്ന സൂചന. ആവശ്യത്തിലേറെ ജാഗ്രത പാലിക്കേണ്ട വര്‍ഷമാണിത്. യാത്രകൊണ്ട് പല പ്രയോജനങ്ങളും ഉണ്ടാവും. ആദായം വര്‍ദ്ധിക്കാന്‍ പല മാര്‍ഗ്ഗങ്ങളും അവലംബിക്കും.
ശാരീരിക വിഷമതകള്‍ പലതും മാറിക്കിട്ടും. സഹോദരങ്ങളുമായി ചിലറ സ്വരക്കേടുണ്ടാവും. പ്രായോഗിക തലത്തില്‍ ചിന്തിക്കാന്‍ ശ്രമിക്കുക. അനാവശ്യ ചിന്തകള്‍ ദൂരീകരിക്കുക. ബന്ധുക്കളുടെ വിവാഹ വിഷയങ്ങളില്‍ പുരോഗതിയുണ്ടാവും.
ബന്ധുക്കളുമായി ചില്ലറ സ്വരക്കേടുകള്‍ക്ക് സാധ്യത. സാമൂഹ്യ പ്രവര്‍ത്തകര്‍ക്ക് പൊതുവേ മെച്ചപ്പെട്ട സമയം. വിദ്യാഭ്യാസ കാര്യങ്ങളില്‍ പുരോഗതി. സുബ്രഹ്മണ്യസ്വാമി ഭജനവും സല്‍ക്കര്‍മ്മങ്ങളും ദോഷ നിവാരണ മാര്‍ഗ്ഗങ്ങള്‍.
ഉത്രാടം
ഉത്രാടം നക്ഷത്രക്കാര്‍ക്ക് ഇത്തവണത്തെ വിഷു ഫലം അനുസരിച്ച് ജോലിസ്ഥലം, താമസസ്ഥലം എന്നിവയില്‍ മാറ്റത്തിനു സാദ്ധ്യത കാണുന്നു. എങ്കിലും ഇവ രണ്ടും മെച്ചപ്പെട്ട ഫലം തരുന്നതാണ്. ആദായ മാര്‍ഗ്ഗങ്ങള്‍ പലതും പുതുതായി ഉണ്ടാവും.
പുതിയ പ്രവര്‍ത്തന മേഖലയില്‍ തീര്‍ത്തും അനുകൂലമായ അന്തരീക്ഷം സൃഷ്ടിക്കാന്‍ പ്രയത്നിക്കേണ്ടിവരും. എങ്കിലും ശ്രമം ഫലിക്കും. ഭാഗ്യക്കുറി, ഓഹരി വിപണി എന്നിവയിലൂടെ ധനാഗമനത്തിന് സാധ്യത കാണുന്നുണ്ട്.
ആരോഗ്യ രംഗത്ത് ചില്ലറ ശ്വാസ കോശ സംബന്ധമായ അസുഖങ്ങള്‍ക്ക് സാധ്യത. അമിതവ്യയം ഒഴിവാക്കുന്നത് ഉത്തമം. ഏത് കാര്യവും നിഷ്പ്രയാസം ചെയ്യാന്‍ കഴിവുണ്ടാവും. പഠനത്തിലെ അലസത ഒഴിവാക്കണം. വിദേശയാത്രക്ക് സാധ്യത. മഹാവിഷ്ണുവിനെ ധ്യാനിക്കുന്നത് ഏറ്റവും ഉത്തമം.
തിരുവോണം
ഇത്തവണത്തെ വിഷുഫലം അനുസരിച്ച് പൊതുവേ മെച്ചമല്ല നിങ്ങള്‍ക്കുള്ളത്. ശാരീരികവും മാനസികവുമായ പല വിഷമതകള്‍ക്കും സാധ്യത ഏറുന്നു. സാമ്പത്തിക രംഗത്ത് പല വിപരീത ഫലങ്ങള്‍ക്കും സാധ്യതയുണ്ട്.
വസ്തു, വാഹനം എന്നിവയുടെ കൈമാറ്റം നടക്കും. ഏതിലും ജാഗ്രത അത്യാവശ്യമാണ്. വാ‍തം, ഹൃദ്രോഗം എന്നിവ സംബന്ധിച്ച് പ്രശ്നങ്ങള്‍ക്ക് സാധ്യത. യാത്രകൊണ്ട് ഉദ്ദേശിച്ച പ്രയോജനം ഉണ്ടായെന്ന് വരില്ല. അയല്‍ക്കാരെക്കൊണ്ട് പ്രയോജനമുണ്ടാവും.
സുഹൃത്തുക്കളുമായി സൌമ്യമനോഭാവത്തോടെ പെരുമാറുക. എന്നാലും ജാമ്യം നില്‍ക്കരുത്. വിദ്യാഭ്യാസ രംഗത്ത് പല തടസങ്ങളും ഉണ്ടായെന്നിരിക്കും. ദേവിഭജന, മഹാവിഷ്ണു ക്ഷേത്ര ദര്‍ശനം എന്നിവ ഉദ്ദേശ ഫല സാധ്യതയ്ക്ക് ഉത്തമം.
അവിട്ടം
ഇത്തവണത്തെ വിഷു ഫലം അനുസരിച്ച് അവിട്ടം നക്ഷത്രക്കാര്‍ക്ക് പ്രവര്‍ത്തന മേഖലയില്‍ പല വിഷമതകളും അഭിമുഖീകരിക്കേണ്ടി വരും എന്നാണ് സൂചന. ഏതുകാര്യത്തിലും അമിത വിശ്വസം അരുത്. അധികം അടുപ്പം ഒന്നിലും ആരുമായും അരുത്.
ഏത് പ്രവൃത്തിയിലും തികഞ്ഞ ജാഗ്രതയും സൌമ്യതയും അവശ്യം പ്രകടിപ്പിക്കണം. ആദായം സംബന്ധിച്ച വിഷയങ്ങളില്‍ കൂടുതല്‍ ജാഗ്രത കാട്ടണം. ആരോഗ്യനില പൊതുവെ ഉത്തമം. കുടുംബത്തില്‍ ഐശ്വര്യം കളിയാടും.
വാഹനം, ഭൂമി എന്നിവ ലഭിക്കാന്‍ സാധ്യത. ചില്ലറ അപവാദങ്ങള്‍ക്ക് ഇടയാവും. സുഹൃത്തുക്കളും ബന്ധുക്കളും ഉദ്ദേശിച്ച സമയത്ത് പ്രയോജനപ്പെട്ടെന്ന് വരില്ല. നരസിംഹസ്വാമിയെ ഭജിക്കുന്നത് എല്ലാവിധ കഷ്ടനഷ്ടങ്ങളും ഒഴിവാക്കാന്‍ ഉത്തമം.
ചതയം
എല്ലാവിധത്തിലുമുള്ള ഭാഗ്യാനുഭവങ്ങള്‍ ഉണ്ടാവുമെന്നതാണ് നിങ്ങള്‍ക്ക് ഇത്തവണത്തെ വിഷുഫലം നല്‍കുന്ന സൂചനകള്‍. സാമ്പത്തികമായും ശാരീരികമായും മാനസികമായും ഏറ്റവും മെച്ചപ്പെട്ട സമയങ്ങളില്‍ ഒന്നാണിത്. വിദേശയാത്രയ്ക്ക് സാധ്യതയും കാണുന്നു.
ഉദ്ദേശിച്ച പല കാര്യങ്ങളും അപ്രതീക്ഷിതമായി തന്നെ സാധിക്കും. ആരോഗ്യം പൊതുവെ മെച്ചം. മാതാപിതാക്കളുടെ അനുഗ്രഹാശിസ്സുകള്‍ ലഭിക്കും. തൊഴില്‍ രംഗത്തും ശോഭനമായി ഭാവിയുണ്ട്. ഔഷധ സേവ ഗുണമാവും.
വിഷ്ണു സഹസ്രനാമം, രാജഗോപാല മന്ത്രം എന്നിവ ഉരുവിടുന്നത് ജീവിത വിജയങ്ങള്‍ക്ക് ഉത്തമം. അയല്‍ക്കാരുമായും ബന്ധുക്കളുമായി ചേര്‍ന്ന് പോവുക ഉത്തമം. സന്താനങ്ങളാല്‍ പലവിധ സന്തോഷം ഉണ്ടാവാനും സാധ്യതയുണ്ട്.
പൂരുരുട്ടാതി
തീര്‍ത്തും ഭാഗ്യ വര്‍ഷം എന്നതാണ് ഇത്തവണത്തെ വിഷുഫലം പൂരുരുട്ടാതി നക്ഷത്രക്കാര്‍ക്ക് നല്‍കുന്നത്. ഏറെക്കാലമായി അലട്ടുന്ന രോഗങ്ങള്‍ക്ക് അത്ഭുത ശാന്തിയുണ്ടാവും. ആരോഗ്യം തീര്‍ത്തും മെച്ചപ്പെടും.
ആദായ മാര്‍ഗ്ഗങ്ങള്‍ പലതും പുതുതായി തുറന്നുകിട്ടും. കൃഷി, കച്ചവടം എന്നിവ പുരോഗമിക്കും. ആഡംബര വസ്തുക്കള്‍, വസ്ത്രങ്ങള്‍ എന്നിവ ലഭിക്കാന്‍ സാധ്യത. മംഗള കര്‍മ്മങ്ങളില്‍ പങ്കെടുക്കും. വിവാഹ സംബന്ധമായ വിഷയങ്ങളില്‍ പുരോഗതി കാണുന്നു.
വ്യവഹാരങ്ങളില്‍ പൊതുവെ അനുകൂലമായ തീരുമാനം ഉണ്ടാവും. സര്‍ക്കാര്‍ വിഷയങ്ങളിലും അനുകൂലമായ തീരുമാനത്തിനു സാധ്യത. പഠന വിഷയങ്ങളില്‍ ജാഗ്രത വേണം. സമൂഹത്തില്‍ ഉത്തമ സ്ഥാനം ലഭിക്കും. ദേവീ സ്തോത്രങ്ങള്‍ ഉരുവിടുനതും ഭജനം നടത്തുന്നതും ഉത്തമം.
ഉത്തൃട്ടാതി
രാഷ്ട്രീയം, സാമൂഹ്യ രംഗം എന്നിവയില്‍ പ്രവര്‍ത്തിക്കുന്നവര്‍ക്ക് ഏറ്റവും ഉത്തമമായ സമയം എന്നതാണ് ഇത്തവണത്തെ വിഷു ഫലം നല്‍കുന്ന സൂചനകള്‍. ആരോഗ്യം, സാമ്പത്തിക എന്നീ നിലകളില്‍ മെച്ചമുണ്ടാവുന്ന വര്‍ഷമാണിത്.
തൊഴില്‍ രംഗത്തെ ഉന്നതരുടെ പ്രീതിക്ക് സാധ്യത. ബന്ധുക്കളില്‍ നിന്നും സുഹൃത്തുക്കളില്‍ നിന്നും അനുകൂലമായ പ്രതികരണം ലഭിക്കും. മംഗള കര്‍മ്മങ്ങളില്‍ പങ്കെടുക്കാന്‍ അവസരമുണ്ടാവും. ഉദ്ദേശകാര്യങ്ങള്‍ സഫലമാവും.
അനാവശ്യമായ യാത്രകള്‍ ഒഴിവാക്കാന്‍ ശ്രമിക്കുക. അമിത വ്യയം സാമ്പത്തിക നിലയുടെ ഭദ്രതയ്ക്ക് കോട്ടം തട്ടിക്കും. മഹാലക്ഷ്മിയെ പ്രീതിപ്പെടുത്തുന്നതും ദാനകര്‍മ്മങ്ങള്‍ ചെയ്യുന്നതും ദോഷനിവാരണ മാര്‍ഗ്ഗങ്ങളാണ്.
രേവതി
അനുകൂലമായ പ്രവൃത്തി മണ്ഡലങ്ങള്‍ ലഭിക്കും എന്നതാണ് രേവതി നക്ഷത്രക്കാര്‍ക്ക് ഇത്തവണത്തെ വിഷുഫലം നല്‍കുന്ന സൂചന. ബന്ധുക്കളെയും സഹോദരങ്ങളെയും സഹായിക്കാന്‍ അവസരമുണ്ടാവും. വിവാഹ സംബന്ധമായ വിഷയങ്ങളില്‍ പുരോഗതിയുണ്ടാവും.
ആദായ മാര്‍ഗ്ഗങ്ങള്‍ വര്‍ദ്ധിക്കും. ശാരീരികമായി ചില്ലറ വിഷമതകള്‍ നേരിടേണ്ടി വരും എങ്കിലും പൊതുവെ ആരോഗ്യം ഉത്തമമാണ്. കാര്‍ഷിക രംഗത്ത് ശോഭിക്കും.
വിദ്യാഭ്യാസ വിഷയങ്ങളില്‍ പൊതുവെ വിജയം. മാതാപിതാക്കളൊട് പൊരുത്തപ്പെട്ട് പോവുക. ദമ്പതികള്‍ വിട്ടുവീഴ്ചയ്ക്ക് തയ്യാറാവുന്നതും കുടുംബ ഐശ്വര്യത്തിന് ഉത്തമം. സന്താനങ്ങളാല്‍ നേട്ടം. ശ്രീധര്‍മ്മ ശാസ്താവിനെ ധ്യാനിച്ച് പ്രീതിപ്പെടുത്തുന്നത് ഏത് ദോഷങ്ങള്‍ക്കും പരിഹാരം.
