'കൂടുതൽ കളിക്കാൻ നിന്നാൽ അടിച്ച് ചുമരിൽ കയറ്റും’- ശ്വേതയ്ക്ക് പേളിയോട് ഇത്ര വൈരാഗ്യമെന്താ?

സംഭവബഹുലമായ കഥഗതിയിലൂടെയാണ് റിയാലിറ്റി ഷോയായ ബിഗ് ബോസ് കടന്നു പോകുന്നത്. എപ്പോൾ ആർക്ക് എന്ത് സംഭവിക്കുമെന്ന് മുൻകൂട്ടി പ്രവചിക്കാൻ സാധിക്കുകയില്ല. ഒരു മാസം പിന്നിട്ടിരിക്കുകയാണ് ബിഗ് ബോസ്. 

കഴിഞ്ഞ ഒരാഴ്ചയായി പേളി മാണിയാണ് ഹൌസിലെ പ്രധാന ചർച്ചാ വിഷയം. വീടിനുള്ളിലെ ഭൂരിഭാഗം ആളുകളും പേളിക്കെതിരാണ്. സാബു, ശ്വേത, ദിയ, രഞ്ജിനി എന്നിവർ പേളിയെ പുറത്താക്കാനുള്ള പരിപാടിയിലാണ്. അടുത്ത എവിക്ഷനിൽ പേളിയെ എല്ലാവരും നോമിനേറ്റ് ചെയ്യാനുള്ള സാധ്യതയാണുള്ളത്. അതിനുള്ള കരുക്കളാണ് ഇപ്പോൾ ഹൌസിൽ നടന്നുകൊണ്ടിരിക്കുന്നത്.

നിലവിൽ, അരിസ്റ്റോ സുരേഷ്, ശ്രീനിഷ് എന്നിവർ മാത്രമാണ് പേളിക്കൊപ്പം ഉള്ളത്. കഴിഞ്ഞ ദിവസം പേളി ശ്വേതയ്ക്കെതിരെ പ്രതികരിച്ചതാണ് ഇപ്പോൾ ബിഗ് ബോസ് ഹൗസിൽ പുകയുന്ന പ്രശ്നം. നിങ്ങൾ മിണ്ടാതിരിക്കു നിങ്ങൾക്ക് വേട്ട് ലഭിക്കുമെന്ന് പേളി ശ്വേതയോട് പറഞ്ഞത് ബിഗ് ബോസ് ഹൗസിൽ വലിയ ചർച്ചയായിരിക്കുകയാണ്.

പേളി ആർട്ടിഫിഷ്യലായിട്ടാണ് പെരുമാറുന്നതെന്ന് ശ്വേത സാബുവിനോട് പറഞ്ഞു. ഇനിയൊരു പ്രശ്നം ഉണ്ടായാൽ പേളിയെ അടിച്ച് ചുമരിൽ കയറ്റുമെന്നും ഏതെങ്കിലും ഹുക്കിന്റെ മുകളിൽ താൻ തൂക്കിയിടുമെന്നും ശ്വേത പറഞ്ഞു. 

അതേസമയം, തന്നെ പുറത്താക്കാനായിട്ടാണെങ്കിലും ഹൌസിലുള്ള എല്ലാവരും ഒന്നിച്ചല്ലോ അതുമതിയെന്നാണ് പേളി പറയുന്നത്.