ഫ്ലോറിഡ സർവകലാശാലയിലെ ജീവനക്കാരിയായ ഇവാൻജലൈൻ ക്യുമിങ്സ് ആണ് ഈ വീഡിയോ പകർത്തിയത്. വീടിന്റെ പിന്നിലെ റോസാ ചെടിയിൽ ഉണ്ടായിരുന്ന റാറ്റ് സ്നേക്കിനെ ഭക്ഷിക്കാനെത്തിയ കോറൽ സ്നേക്കിനെയാണ് കടന്നൽ അക്രമിച്ചത്. റാറ്റ് സ്നേക്കിന്റെ ശരീരത്തിൽ ഇരിക്കുകയായിരുന്നു കടന്നൽ. കോറൽ സ്നേക്ക് റാറ്റ് സ്നേക്കിന്റെ ഇരയാക്കാൻ ശ്രമിച്ചത് കടന്നലിന് അത്ര ഇഷ്ടമായില്ല. നേരെ കോറൽ സ്നേക്കിന്റെ ദേഹത്തുപോയിരുന്നു, എന്നിട്ട് ഒന്നാന്തരമൊരു കുത്ത് വച്ചുകൊടുത്തു. ഇതോടെ ഇര വേണ്ടെന്നുവച്ച് കോറൽ സ്നേക്ക് പേടിച്ചോടി. ഇതിനോടകം നിരവധി പേർ ഈ വീഡിയോ കണ്ടുകഴിഞ്ഞു.
