സ്ക്വാഷിന് മുന്തിയ ഇനം പഴങ്ങള്‍ തന്നെ വേണമെന്നില്ല. വീട്ടുമുറ്റത്ത് സ‌മൃദ്ധമായി കിട്ടുന്ന ചാമ്പയ്ക്കയായാലും മതി.
ചേര്‍ക്കേണ്ട ഇനങ്ങള്‍
ചാമ്പക്കാ കുരുനീക്കിയത് - 1 കിലോഗ്രാം പഞ്ചസാര - 2 കിലോഗ്രാം വെള്ളം - 1 ലിറ്റര്‍ സിട്രിക് ആസിഡ് - 30 ഗ്രാം മഞ്ഞ കളര്‍ - കുറച്ച്
പാകം ചെയ്യേണ്ട വിധം
ചാമ്പക്കാ വെള്ളമൊഴിച്ച് ചൂടാക്കുക. ചൂടായ ശേഷം തവി കൊണ്ട് കഷ്ണങ്ങള്‍ ഉടയ്ക്കുക. ഇത് അരിച്ച് പിഴിഞ്ഞെടുക്കണം. പഞ്ചസാരയില്‍ വെള്ളം ചേര്‍ക്കുന്നതിനു മുമ്പ് അടുപ്പത്ത് വച്ച് പാനിയാക്കുക. ഇറക്കുന്നതിനു മുന്‍പ് സിട്രിക് ആസിഡ് ചേര്‍ക്കുക. വാങ്ങിവച്ച ശേഷം പാവ് നന്നായി തണുപ്പിച്ച് അതില്‍ കുറച്ചു ചാമ്പയ്ക്കാ നീരും ഒഴിച്ച് നന്നായി ഇളക്കിയ ശേഷം കുപ്പികളിലാക്കണം. ഇഷ്‌ടമുള്ള എസന്‍സു ചേര്‍ത്താല്‍ വ്യത്യസ്തമായ രുചി ഉറപ്പ്.
