ഇപ്പോളിതാ കൈമോശം വന്ന ജനപ്രീതി തിരിച്ച് പിടിക്കാന്‍ കൂടിയ റേഞ്ചിലും കിടിലന്‍ ലുക്കിലും മടങ്ങിയെത്താനൊരുങ്ങുകയാണ് ടിഗോര്‍ ഇ.വി. നോര്‍മല്‍, എക്സ്റ്റെന്റഡ് റേഞ്ച് എന്നീ രണ്ട് വേരിയന്റുകളിലായിരിക്കും പുതിയ ടിഗോർ എത്തുക. ഇതില്‍ എക്സ്റ്റെന്റഡ് റേഞ്ച് 213 കിലോമീറ്ററും നോര്‍മല്‍ വേരിയന്റിന് 165 കിലോമീറ്ററും റേഞ്ച് ഉണ്ടായിരിക്കുമെന്നാണ് റിപ്പോർട്ട്. 16.2 കിലോവാട്ട്, 21.5 കിലോവാട്ട് എന്നീ രണ്ട് ബാറ്ററി പാക്കുകളില്‍ ഈ വാഹനമെത്തുക.
ടിഗോറിന്റെ എക്സ്റ്റെന്റഡ് വേരിയന്റ് സാധാരണ ചാര്‍ജര്‍ ഉപയോഗിച്ച് 11.5 മണിക്കൂറില്‍ പൂര്‍ണമായും, ഫാസ്റ്റ് ചാര്‍ജര്‍ ഉപയോഗിച്ച് രണ്ട് മണിക്കൂറില്‍ 80 ശതമാനവും ചാർജ് ചെയ്യാനാകും. 41 ബി.എച്ച്.പി. പവറും 105 എന്‍.എം. ടോര്‍ക്കുമേകുന്ന 70V മൂന്ന് ഫേസ് മോട്ടോറായിരിക്കും ടിഗോര്‍ ഇ.വിക്ക് കുതിപ്പേകുന്നത്.
