രാജ്യത്ത് ഏറെ പ്രചാരം നേടിയ എം ഐ സ്മാർട്ട് ടി വികൾക്ക് ഷവോമി വില കുറച്ചു. കേന്ദ്ര സർക്കാർ ജി എസ് ടി നിരക്കിൽ കുറവ് വരുത്തിയതോടെയാണ് സ്മാർട്ട് ടി വികൾക്ക് 2000 രൂപയോളം വില കുറക്കാൻ ഷവോമി തയ്യാറായത്. രാജ്യത്തെ ഓൺലൈൻ ഓഫ്‌ലൈൻ വിപണികളിലൂടെ എം ഐ ടി വികൾ വലിയ രീതിയിലാണ് വിറ്റഴിക്കപ്പെടുന്ന. വില കുറച്ചതോടെ വിൽപ്പനയിൽ വർധനവുണ്ടാകും എന്നാണ് ഷവോമി കണക്കുകൂട്ടുന്നത്.
എംഐ 4സി പ്രോ 32 ഇഞ്ച്, എം ഐ 4എ 32 ഇഞ്ച്. എന്നീ മോഡലുകളുടെ വിലയിലാണ് ഷവോമി കുറവ് വരുത്തിയിരിക്കുന്നത്. എം ഐ 4 എ 12,499 രൂപക്കും, എം ഐ 4സി പ്രോ 13,999 രൂപക്കുമാണ് ഇപ്പോൾ വിൽപ്പന നടത്തുന്നത്. ടെലിവിഷനുകളെ നേരത്തെ 28 ശതമാനം നികുതി സ്ലാബിലാണ് ഉൾപ്പെടുത്തിയിരുന്നത്. കേന്ദ്ര സർക്കാർ ഇത് 18 ശതമാനമായി കുറക്കുകയായിരുന്നു.
