പുതുക്കിയ പതിപ്പെന്നു പറയുമ്പോൾ ചെറിയ മാറ്റമല്ല പഴയ വാഗൺ ആറിന്റെ അടിത്തറയിൽ ഒരു പുതിയ വാഹനം എന്നു തന്നെ പറയാം. സോലിയ എന്നു പേരിട്ടിരിക്കുന്ന ഈ പുതിയ മോഡൽ ഇന്ത്യൻ നിരത്തുകളിൽ പരീക്ഷണ ഓട്ടം വിജയകരമായി പൂർത്തിയാക്കി. വാഗൺ ആർ സോലിയ ഈ വർഷം സെപ്റ്റംബറോടെ ഇന്ത്യയിൽ നിർമ്മാണമാരംഭിക്കും എന്നാണ് കരുതപ്പെടുന്നത്.
നേരത്തെ ഇന്തോനേഷ്യയിൽ ഈ വാഹത്തെ കമ്പനി അവതരിപ്പിച്ചിരുന്നു, ജപ്പാനിലും വാഹനത്തിന്റെ ഫൈവ്സീറ്റർ പതിപ്പ് വിൽപ്പനയിലുണ്ട്. 90 ബിഎച്ച്പി കരുത്തും 118 എന്‍എം ടോര്‍ക്കും സൃഷ്ടിക്കാനാവുന്ന എഞ്ചിനാവും വാഹനത്തിനു കരുത്ത് പകരുക. മാർക്കറ്റിൽ എർട്ടികക്ക് തഴെ വാഹനത്തെ അവതരിപ്പിക്കാനാണ് കമ്പനി ഒരുങ്ങുന്നത്.
