മോഹൻലാലിന്റെ തന്നെ പുലിമുരുകനാണ് അതിനുശേഷം 100 കോടി ക്ലബ്ബിൽ ഇടം പിടിച്ച മലയാള സിനിമ. ഇതിനു ശേഷം മോഹൻലാലിന്റെ തന്നെ ലൂസിഫർ, മമ്മൂട്ടിയുടെ മധുരരാജ, മാമാങ്കം എന്നീ ചിത്രങ്ങളും നൂറ് കോടി ക്ലബിൽ ഇടം പിടിക്കുകയുണ്ടായി. ഈ നാല് സിനിമകളും 100 കോടി നേടിയെന്ന് അവകാശപ്പെട്ടത് നിർമാതാക്കൾ തന്നെയാണ്.
എന്നാൽ, ഈ നൂറ് കോടി കളക്ഷൻ എന്ന് പറയുന്നത് വിശ്വസനീയമല്ലെന്നാണ് സംവിധായകൻ ജീത്തു ജോശഫ് പറയുന്നത്. ഇപ്പോൾ കോടികൾക്ക് വേണ്ടിയുള്ള മത്സരമാണ്. ഒരാള്‍ 100 കോടി നേടിയാല്‍ മറ്റൊരാള്‍ക്ക് 110 കോടിയെങ്കിലും നേടണമെന്നൊരു മത്സരം.അതിനകത്ത് എല്ലാമൊന്നും കറക്ട് അല്ലാ എന്നുള്ളത് ഒരുമാതിരി കോമണ്‍സെന്‍സുള്ള എല്ലാവര്‍ക്കും മനസിലാകും. ജീത്തു ജോസഫ് മനോരമയുടെ നേരെ ചൊവ്വേയില്‍ പറഞ്ഞു.
