തകര്‍പ്പന്‍ സ്മാര്‍ട്ട്ഫോണുമായി ആഢംബര കാര്‍ നിര്‍മാതാക്കളായ ലംബോര്‍ഗിനി രംഗത്ത്. ആല്‍ഫ വണ്‍ എന്ന പേരിലുള്ള സ്മാര്‍ട്ട്ഫോണുമായാണ് കമ്പനി എത്തിയിരിക്കുന്നത്. 1.5 ലക്ഷം രൂപ വിലയുള്ള ആ ഫോണിനെ കണ്ട് ഏറെ കൗതുകത്തിലായിരിക്കുകയാണ് ടെക് ലോകം. ലംബോര്‍ഗിനിയുടെ ഔദ്യോഗിക വെബ്സൈറ്റില്‍ നിന്നും ആല്‍ഫാഫോണിനെ സ്വന്തമാക്കാവുന്നതാണ്.
രാജ്യാന്തര ഡെലിവറിയും ലംബോര്‍ഗിനി ഈ സ്മാര്‍ട്ട്ഫോണിനായി ഒരുക്കിയിട്ടുണ്ട്. ഷിപ്പിംങ് ചാര്‍ജ് സൗജന്യമായി അനുവദിക്കുന്നുണ്ടെങ്കിലും കസ്റ്റം ഡ്യൂട്ടി ഉപഭോക്താക്കള്‍ തന്നെ വഹിക്കേണ്ടി വരുമെന്ന് കമ്പനി അറിയിച്ചു.സൂപ്പര്‍ കാറുകള്‍ നിര്‍മ്മിക്കുന്ന ലിക്വിഡ് മെറ്റലില്‍ തന്നെയാണ് ഈ ഫോണിനെയും ഒരുക്കിയിരിക്കുന്നത്. ഡ്യവല്‍ സിം സൗകര്യവും ആല്‍ഫ വണ്ണില്‍ ലംബോര്‍ഗിനി ഒരുക്കിയിട്ടുണ്ട്.
5.5 ഇഞ്ച് WQHD ഡിസ്പ്ലേയിലാണ് ഈ പ്രീമിയം ഫോണ്‍ എത്തുന്നത്. അഡ്രിനോ 530 GPU, ക്വാല്‍കോം സ്നാപ് ഡ്രാഗണ്‍ 820 പ്രൊസസര്‍, 4ജിബി റാം, 64 ജിബി ഇന്‍റേണല്‍ സ്റ്റോറേജ്, 20 എംപി റിയര്‍ ക്യാമറ, എട്ട് എംപി സെല്‍ഫി ക്യാമറ, 3250 എം‌എ‌എച്ച് ബാറ്ററി എന്നിങ്ങനെയുള്ള ഫീച്ചറുകളും ഈ ഫോണില്‍ ലഭ്യമാകും. ആന്‍ഡ്രോയ്ഡ് 7.0 നൂഗട്ടിലാണ് ഫോണ്‍ പ്രവര്‍ത്തിക്കുക.
