ജിയോണിയുടെ ഏറ്റവും പുതിയ സ്മാര്‍ട്ട്ഫോണ്‍ ജിയോണി എ വണ്‍ ലൈറ്റ്പുറത്തിറക്കി. നേപ്പാളിലാണ് ഈ ഫോണ്‍ ആദ്യമായി പുറത്തിറക്കിയിരിക്കുന്നത്. 295 മണിക്കൂര്‍ സ്റ്റാന്‍ഡ്‌ബൈ ടൈം ലഭിക്കുമെന്ന് കമ്പനി അവകാശപ്പെടുന്ന 4,000എംഎഎച്ച് ബാറ്ററിയാണ് ഈ ഫോണിന്റെ ഏറ്റവും വലിയ പ്രത്യേകത.
ആന്‍ഡ്രോയിഡ് ന്യുഗട്ട് OS അമിഗോ 4.0 UI ഓണ്‍ ടോപ്പില്‍ റണ്‍ ചെയ്യുന്ന ഈ ഫോണിന് 5.3 ഇഞ്ച് ഡിസ്‌പ്ലേയാണുള്ളത്. 1.3GHz മീഡിയാടെക് MT6753 64 ബിറ്റ് ഒക്ടാകോര്‍ പ്രോസസര്‍, 3ജിബി റാം, 32ജിബി ഇന്റേര്‍ണല്‍ സ്‌റ്റോറേജ് എന്നീ ഫീച്ചറുകളും ഈ മിഡ്‌റേഞ്ച് ഫോണിലുണ്ട്.
13എംപി എല്‍‌ഇഡി ഫ്ലാഷോടു കൂടിയ റിയല്‍ ക്യാമറയും 20എംപി സെന്‍സറുമുളള സെല്‍ഫി ക്യാമറയുമാണ് ഫോണിന്റെ മറ്റൊരു പ്രത്യേകത. 4ജി, വൈഫൈ 802.11b/g/n, ബ്ലൂട്ടൂത്ത്, ജിപിഎസ്, മൈക്രോ യുഎസ്ബി, 3.5എംഎം ഓഡിയോ പോര്‍ട്ട്, ഡ്യുവല്‍ നാനോ സിം സപ്പോര്‍ട്ട് എന്നീ കണക്ടിവിറ്റികളും ഫോണിലുണ്ട്.
