സ്വിച്ച് ഗിയർ, സ്ലിപ് അസിസ്റ്റ് ക്ലച്ച്, ട്രാക്ഷൻ കൺട്രോൾ, റൈഡ് ബൈ വയർ തുടങ്ങി ആധുനിക സാങ്കേതിക വിദ്യകളുമായാണ് ത്രക്സ്റ്റണ്‍ എത്തുന്നത്. കൂടാതെ വാഹനത്തിന്റെ നിയന്ത്രണം അനായാസമാക്കാന്‍ ട്വിൻ ഫ്ലോട്ടിങ് ബ്രെംബോ ഡിസ്ക് ബ്രേക്കുകൾ, ബ്രെംബോ സിലിണ്ടർ, മോണോപോളിക് കാലിപ്പേർസ് എന്നിവയുമുണ്ട്.
റോഡ്, റെയിൻ, സ്പോർട്ട് എന്നിങ്ങനെ മൂന്ന് ഡ്രൈവിങ്ങ് മോഡുകളുമായാണ് ബൈക്ക് എത്തുന്നത്. നൂറ്റിയറുപതില്പരം വരുന്ന ആക്സസറികൾ ഉപയോഗിച്ച് വാഹനത്തെ തങ്ങളുടെ ഇഷ്ടത്തിനനുസരിച്ച് കസ്റ്റമൈസ് ചെയ്തെടുക്കാനുള്ള സൗകര്യവും ഇതിലുണ്ട്. 10,90,000 രൂപയാണ് ബൈക്കിന്റെ വില.
