മലയാളത്തിലെ പ്രസിദ്ധ ടെലിവിഷന്‍ ചാനലായ ഏഷ്യാനെറ്റ്‌ കന്നഡത്തിലും ചാനല്‍ ആരംഭിക്കുന്നു. ഏഷ്യാനെറ്റ്‌ സുവര്‍ണ്ണ എന്നാണ്‌ പുതിയ ചാനലിന്‍റെ പേര്‌.
ജൂണ്‍ 17 ഞായറാഴ്ച രാവിലെ ഏഴു മണിമുതലാണ്‌ ഏഷ്യാനെറ്റ്‌ സുവര്‍ണ്ണ സംപ്രേക്ഷണം ആരംഭിക്കുന്നത്‌.
ഏഷ്യാനെറ്റ്‌ കമ്മ്യൂണിക്കേഷന്‍സ്‌ സുവര്‍ണ്ണ കര്‍ണ്ണാടകത്തിന്‌ നല്‍കുന്ന സമ്മാനമാണ്‌ ഏ ഷ്യാനെറ്റ്‌ സുവര്‍ണയെന്ന്‌ ഏഷ്യാനെറ്റ്‌ വൈസ്‌ ചെയര്‍മാനും മാനേജിംഗ്‌ ഡയറക്‌ടറുമായ കെ. മാധവന്‍ ഇത്‌ സംബന്ധിച്ച്‌ വിവരം വെളിപ്പെടുത്തിയപ്പോള്‍ പറഞ്ഞു.
ഏഷ്യാനെറ്റ്‌ സുവര്‍ണ്ണ മറ്റ്‌ ചാനലുകളില്‍നിന്ന്‌ വളരെ പുതുമയുള്ളതും വ്യത്യസ്തതയാര്‍ന്നതും ആയിരിക്കുമെന്ന്‌ ഏഷ്യാനെറ്റ്‌ സുവര്‍ണ്ണ ചീഫ്‌ ക്രിയേറ്റീവ്‌ ഓഫീസര്‍ ശ്യാം സുന്ദറും അഭിപ്രായപ്പെട്ടു.
ഇന്ത്യയിലെന്ന പോലെ ഏഷ്യാനെറ്റ്‌ സുവര്‍ണ്ണ ഗള്‍ഫ്‌ നാടുകളിലും ആസ്‌ട്രേലിയയിലും യൂറോപ്പിലും ലഭ്യമാവും എന്നും ഏഷ്യാനെറ്റ്‌ അധികൃതര്‍ അവകാശപ്പെടുന്നു.
