ഒളിമ്പിക് ഹോക്കി യോഗ്യതാമത്സരത്തില്‍ ഇന്ത്യന്‍ പുരുഷ ടീമിന് തകര്‍പ്പന്‍ ജയം. ഒന്നിനെതിരെ പതിഞ്ച് ഗോളുകള്‍ക്ക് ഇന്ത്യ സിംഗപ്പൂരിനെ പരാജയപ്പെടുത്തി.
ഇന്ത്യക്കു വേണ്ടി ഗുര്‍വിന്ദര്‍ സിംഗ്‌ ചന്‍ഡി ഹാട്രിക് ഗോള്‍ നേടി.. ശിവേന്ദ്ര സിംഗ്‌, എസ്‌.വി. സുനില്‍, ദാനിഷ്‌ മുജ്‌താബ എന്നിവരായിരുന്നു മറ്റു സ്‌കോറര്‍മാര്‍. എന്റികോ മറികാനാണ് സിംഗപ്പുരിനു വേണ്ടി ആശ്വാസ ഗോള്‍ നേടി.
സിംഗപ്പൂരിനെതിരെ ഇന്ത്യ നേടുന്ന ഏറ്റവും മികച്ച വിജയമാണിത്. 1982ല്‍ നകറാച്ചിയില്‍ നടന്ന ഏഷ്യാ കപ്പില്‍ 12-0 എന്ന സ്‌കോറിനാണ് ഇന്ത്യ സിംഗപ്പൂരിനെ പരാജയപ്പെടുത്തിയത്.
അതേസമയം വനിതാവിഭാഗത്തില്‍ ഇന്ത്യക്ക് സമനില മാത്രമാണ് ലഭിച്ചത്. ദുര്‍ബലരായ യുക്രെയ്‌നുമായി ഇന്ത്യ 1 - 1നാണ് സമനിലയില്‍ പിരിഞ്ഞത്. ഇന്ത്യക്ക് വേണ്ടി സൌന്ദര്യയാണ് ഗോള്‍ നേടിയത്. യുക്രൈയ്‌നുവേണ്ടി മരിന വൈനോരാദോവ ഗോള്‍ നേടി.
