ഐ ലീഗ് ഫുട്ബോള്‍ ടീമില്‍ നിന്ന് മുംബൈ ടൈഗേഴ്സ്‌ പുറത്തായി. ഇതോടെ, ഈ സീസണില്‍ ഐ ലീഗ് ടീമുകളുടെ എണ്ണം 13 ആയി കുറഞ്ഞു. ഐ ലീഗ് ടീമുകളുടെ എണ്ണം പതിന്നാലായിരുന്നു.
ഈമാസം ആരംഭിക്കുന്ന ഐ ലീഗ് മല്‍സരങ്ങളില്‍ പങ്കെടുക്കാന്‍ കഴിയില്ലെന്ന്‌ മുംബൈ ടൈഗേഴ്സ്‌, എഐഎഫ്‌എഫിനെ (അഖിലേന്ത്യാ ഫുട്ബോള്‍ ഫെഡറേഷന്‍) അറിയിച്ചതിനെ തുടര്‍ന്നാണിത്.
മുംബൈ ടൈഗേഴ്സ്‌ രണ്ടാം ഡിവിഷന്‍ ലീഗില്‍ കളിക്കുമെന്ന് പ്രതീക്ഷയിലാണ് അഖിലേന്ത്യാ ഫുട്ബോള്‍ ഫെഡറേഷന്‍.
ദുബായ്‌ ആസ്ഥാനമായ ഡോഡ്സാല്‍ ഗ്രൂപ്പിന്റെ ഉടമസ്ഥതയിലുള്ള ക്ലബാണ് മുംബൈ ടൈഗേഴ്സ്‌.
