പൂര്‍വ്വികരായ സമസ്ത പിതൃക്കള്‍ക്കും വേണ്ടിയാണ് കര്‍ക്കടകവാവുബലിയിടുന്നത്. കര്‍ക്കടകവാവുദിവസം ചെയ്യുന്ന ഏതൊരു പിതൃകര്‍മ്മത്തിനും ഇരട്ടിഫലമാണ്. വര്‍ഷത്തില്‍ രണ്ടു വാവുകളാണ് പ്രധാനം. തുലാമാസത്തിലെയും കര്‍ക്കടകത്തിലെയും. ഇതിൽ രണ്ടിലും ബലിയിടുന്നത് ആത്‌മാക്കൾക്ക് ശാന്തി ലഭിക്കുന്നതിന് വേണ്ടിയാണ് ഈ രണ്ട് ബലിയും.
രണ്ട് വാവ് ഉണ്ടെങ്കിലും, അതില്‍ കർക്കിടക വാവിനാണ് പ്രാധാന്യം കൂടുതൽ. അന്ന് ബലിയിടുന്നതിലൂടെ എത്ര കടുത്ത പിതൃദോഷവും മാറും. ജലസാന്നിദ്ധ്യമുളള വിഷ്ണു, ശിവ ക്ഷേത്രങ്ങളില്‍ തര്‍പ്പണം ചെയ്യുന്നത് ഉത്തമമാണ്. വാര്‍ഷിക ബലി പുനരാരംഭിക്കാന്‍ ഉത്തമവും കര്‍ക്കടകത്തിലെ അമാവാസിയാണ്.
