ഒരു വസന്തപഞ്ചമി കൂടി കടന്ന് വരുന്നു.സരസ്വതീ ദേവിയുടെ ജന്മദിനമാണെന്ന് വിശ്വസിക്കപ്പെടുന്ന വസന്തപഞ്ചമി വേളയില്‍ ചരിത്രപ്രധാന്യമുളള ധാറിലേക്കാണ് ഞങ്ങള്‍ നിങ്ങളെ കൊണ്ടു പോകുന്നത്. ഈ ദിനത്തില്‍ നഗരത്തിലെ ഭോജ്‌ശാലയിലേക്ക് (സരസ്വതി ദേവിയുടെ പുരാതന ക്ഷേത്രം) ഭക്ത ജനങ്ങളുടെ ഒഴുക്കാണ് അനുഭവപ്പെടുന്നത്.
ഇവിടെ നടക്കുന്ന യജ്ഞവും മറ്റ് അനുഷ്ഠാനങ്ങളും സമ്പന്നമായ ഗത കാല സ്മരണകള്‍ ഭക്തമനസുകളില്‍ ഉണര്‍ത്തുന്നു.പര്‍മര്‍ രാജവംശത്തിന്‍റെ കാലത്തെ ശില്‍പചാതുരി വെളിവാക്കുന്നതാണ് ഭോജ്ശാലയിലെ കാഴ്ചകള്‍.ഈ വര്‍ഷവും വസന്തപഞ്ചമി ദിനാമായ ഫെബ്രുവരി 11ന് ഇവിടെ വമ്പന്‍ ആഘോഷമാണ് സംഘടിപ്പിച്ചിരിക്കുന്നത്.
ധാറിലെ ഭോജ രാജാവ് സാരസ്വതീ ദേവിയുടെ പരമഭക്തനായിരുന്നു. അക്കാലത്ത് വിദ്യാ ദേവിയുടെ ആരാധനയ്ക്ക് വന്‍ പ്രാധാന്യമാണ് കല്‍പിച്ചിരുന്നത്. സാധാരണക്കാര്‍ക്ക് പോലും സംസ്കൃത ഭാഷയില്‍ അക്കാലത്ത് നല്ല പാണ്ഡിത്യമുണ്ടായിരുന്നു. ധാര്‍ സംസ്കൃത പഠനത്തിന്‍റെ സിരാകേന്ദ്രവുമായിരുന്നു. സാംസ്കാരികമായി ഈ നാട്ടിലെ ജനങ്ങള്‍ ഉന്നത നിലവാ‍രം പുലര്‍ത്തിയിരുന്നു.
സരസ്വതി ദേവിയുടെ അനുഗ്രഹത്താല്‍ ഭോജ രാജാവിന് പലവിധ വിഷയങ്ങളില്‍ അഗാധമായ പാണ്ഡിത്യമുണ്ടായിരുന്നു. യോഗാഭ്യാസം, സാംഖ്യം, ന്യായം, ജ്യോതിശാസ്ത്രം, വാസ്തു ശാസ്ത്രം, രാഷ്ട്രീയം എന്നിവയില്‍ അദ്ദേഹം അതുല്യ പ്രതിഭ പ്രകടിപ്പിച്ചിരുന്നു.അദ്ദേഹം എഴിതിയിട്ടുള്ള പുസ്തകങ്ങള്‍ക്ക് ഇക്കാലത്തും പ്രാധാന്യമുണ്ട്.
WD
WD
ക്രിസ്തുവിന് ശേഷം 1000-1055 കാലയളവിലാണ് ഭോജ രാജാവ് ധാര്‍ ഭരിച്ചിരുന്നത്.ഉന്നത വിദ്യാഭ്യാസത്തിനായി അദ്ദേഹം ഒരു കേന്ദ്രം സ്ഥാപിക്കുകയും ചെയ്തു. ഇത് ഭോജ്ശാല എന്ന പേരില്‍ പ്രശസ്തമാകുകയും ചെയ്തു.അക്കാലത്തെ സാഹിത്യ കൃതികളില്‍ ധാറിന്‍റെ സമ്പന്നമായ സംസ്കാരം പ്രതിഫലിക്കുന്നത് കാണാന്‍ കഴിയും.
തുറസായ വലിയ പ്രദേശത്താണ് ഭോജ്ശാല നിര്‍മ്മിച്ചിരിക്കുന്നത്. മതിലുകളാല്‍ ഇവിടം ചുറ്റപ്പെട്ടിരിക്കുന്നു. ഒരു മുഖ്യ മണ്ഡപവും നിര നിരയായി നില്‍ക്കുന്ന തൂണുകള്‍ക്ക് പിറകില്‍ വലിയ പ്രാര്‍ത്ഥനാ മണ്ഡപവും ഉണ്ട്.ഇവിടെ മച്ചിലും തൂണുകളിലും പ്രത്യേക തരത്തിലുള്ള ശില്പങ്ങള്‍ കൊത്തിവച്ചിട്ടുണ്ട്. കറുത്ത കല്ലില്‍ സംസ്കൃത്തില്‍ ഒരു നാടകം തന്നെ കൊത്തിവച്ചിരിക്കുന്നു. ഇവ അര്‍ജുന്‍ വര്‍മ്മ ദേവിന്‍റെ കാലത്താണ് കൊത്തിയതെന്ന് കരുതുന്നു. രാജ്ഗുരു മദന്‍ ആണ് ഈ നാടകം എഴുതിയത്.
എല്ലാ വര്‍ഷവും വസന്ത പഞ്ചമി ദിനത്തില്‍ ഈ നാടകം കളിക്കുന്നു.പര്‍മര്‍ രാജവംശത്തിന്‍റെ കാലത്തെ ഏറ്റവും മികച്ച ശിലപചാതുര്യം ഇവിടെ കാണാന്‍ കഴിയും.
വാഗ്ദേവി ലണ്ടനില്‍
ഒരു കാലത്ത് ഇവിടെ (വാഗ്ദേവി) സരസ്വതി ദേവിയുടെ ക്ഷേത്രമുണ്ടായിരുന്നു.വളരെ വലുതും മനോഹരവുമായ ഇവിടത്തെ സരസ്വതി വിഗ്രഹം ബ്രിട്ടീഷുകാര്‍ കടത്തുകയുണ്ടായി.ഇപ്പോള്‍ ഈ വിഗ്രഹം ലണ്ടനിലെ മ്യൂസിയത്തില്‍ സൂക്ഷിച്ചിരിക്കുകയാണ്.
അതു കൊണ്ട് തന്നെ ഇപ്പോള്‍ വസന്ത പഞ്ചമി ദിനത്തില്‍ സരസ്വതി ദേവിയുടെ എണ്ണച്ഛായ ചിത്രമാണ് ഭക്ത ജനങ്ങള്‍ ആരാധിക്കുന്നത്.നിലവില്‍ ഇന്ത്യന്‍ പുരവസ്തു വകുപ്പാണ് ഇവിടെ കാര്യങ്ങള്‍ നോക്കി നടത്തുന്നത്. ചരിത്രപരമായ പ്രാധാന്യം ഉളളതിനാലാണിത്. കേന്ദ്ര സര്‍ക്കാര്‍ നിര്‍ദ്ദേശ പ്രകാരം എല്ലാ വര്‍ഷവും വസന്ത പഞ്ചമി ദിനത്തില്‍ ഹൈന്ദവര്‍ക്ക് ഇവിടെ ആരാധന നടത്താന്‍ സൌകര്യമൊരുക്കിയിട്ടുണ്ട്. പുറമെ എല്ലാ ചൊവ്വാഴ്ചയും വിശ്വാസികള്‍ക്ക് പൂക്കളും അരിയും ദേവിക്ക് അര്‍പ്പിക്കാനും അവസരമൊരുക്കിയിരിക്കുന്നു.
എത്താനുള്ള മാര്‍ഗ്ഗം
റോഡ്:ഇന്‍ഡോറില്‍ നിന്ന് 60 കിലോമീറ്ററും രത്‌ലമില്‍ നിന്ന് 62 കിലോമീറ്ററും ദൂരമുണ്ട്.ബസിലും ടാക്സിയിലും
WD
WD
എത്താന്‍ കഴിയും.
അടുത്ത റെയില്‍‌വേ സ്റ്റേഷനുകള്‍ : ഇന്‍ഡോര്‍, രത്‌ലം
വിമാനം: ദേവി അഹില്യ വിമാനത്താവളം( 60 കിലോമീറ്റര്‍)
