തനിക്കെതിരായ ആരോപണങ്ങള്‍ ഞെട്ടിച്ചെന്ന് ഇസ്ലാം മതപണ്ഡിതന്‍ ഡോ സാകിര്‍ നായിക്. താന്‍ സമാധാനത്തിന്റെ സന്ദേശവാഹകനാണെന്നും സാകിര്‍ നായിക് പറഞ്ഞു. സൗദി അറേബ്യയിലുള്ള സാകിർ നായിക് ഇന്ന് രാവിലെ 11 മണിക്ക് ദക്ഷിണ മുംബൈയിലെ ബോയ്സ് ഹാളിൽ വെച്ചായിരുന്നു വീഡിയോ കോൺഫറൻസ് വഴി മാധ്യമപ്രവർത്തകരുമായി ആശയവിനിമയം നടത്തിയത്.
ഒരു തീവ്രവാദിയെയും അറിഞ്ഞുകൊണ്ട് കണ്ടിട്ടില്ല. എന്നാല്‍, ചിലർ തന്റെ അടുത്തുവന്നു നിന്ന് ചിലപ്പോള്‍ ഫോട്ടോ എടുക്കാറുണ്ട്. അവർ ആരാണെന്ന് അറിയില്ല. ഏതെങ്കിലും തരത്തിലുള്ള ചോദ്യവുമായി സർക്കാരിന്‍റെ ഒരു ഔദ്യോഗിക സംവിധാനവും ഇതുവരെ തന്നെ സമീപിച്ചിട്ടില്ലെന്നും ഇന്ത്യൻ സർക്കാരുമായോ പൊലീസുമായോ തനിക്കൊരു പ്രശ്നവുമില്ലെന്നും അദ്ദേഹം പറഞ്ഞു.
