അതിനിടെ യാദവും ഭൂഷണും ദേശീയ നിര്‍വാഹകസമിതിയില്‍ നിന്നു രാജിവച്ചെന്ന് കേജ്‌രിവാള്‍ പക്ഷം വാദിക്കുമ്പോള്‍ രാജിവെച്ചില്ലെന്നാണ് മറുവിഭാഗം വാദിക്കുന്നത്. രാജിയുടെ പകര്‍പ്പ് കാണിക്കാന്‍ യോഗേന്ദ്ര യാദവ് കേജ്‌രിവാള്‍ പക്ഷത്തെ വെല്ലുവിളിക്കുകയും ചെയ്തു. ദേശീയ കണ്‍വീനര്‍ സ്ഥാനത്തുനിന്നു നീക്കണമെന്ന് ആവശ്യപ്പെട്ടതായ വാര്‍ത്തയും യാദവ് നിഷേധിച്ചു.
യോഗേന്ദ്ര യാദവിനെതിരെയും, പ്രശാന്ത് ഭൂഷണെതിരെയും പ്രമേയം കൊണ്ടുവരാനും കെജ്‌രിവാള്‍ പക്ഷത്തിന് ആലോചനയുള്ളതായാണ് സൂചന. വിവിധ സംസ്ഥാനങ്ങളില്‍ നിന്നുള്ള 350ലേറെ പ്രതിനിധികളാണു ദേശീയ കൗണ്‍സിലില്‍ പങ്കെടുക്കുന്നത്.
