അഞ്ച് സംസ്ഥാനങ്ങളിലേക്കുള്ള വോട്ടെണ്ണല്‍ ആരംഭിച്ചപ്പോള്‍ ഉത്തര്‍പ്രദേശില്‍ ബിജെപി കേവല ഭൂരിപക്ഷത്തിലേക്കെത്തി. ആകെയുള്ള 403 സീറ്റുകളിലെ ആദ്യഘട്ട ഫല സൂചനകള്‍ പുറത്ത് വന്നപ്പോള്‍ വ്യക്തമായ മേധാവിത്വത്തോടെ 286 സീറ്റുകളിലാണ് ബി ജെ പി മുന്നിലെത്തിയത്. 202 സീറ്റുകള്‍ മാത്രമാണ് കേവല ഭൂരിപക്ഷത്തിന് വേണ്ടത്.
എസ്പി - കോണ്‍ഗ്രസ് സഖ്യം 79 സീറ്റുകളില്‍ മാത്രമാണ് മുന്നിലുള്ളത്. അതേസമയം, ബിഎസ്പിയാകട്ടെ ബഹുദൂരം പിന്നിലുമാണ്. വെറും 25 സീറ്റുകളില്‍ മാത്രമാണ് അവര്‍ക്ക് ആദിപത്യമുള്ളത്. മറ്റുള്ള പാര്‍ട്ടികള്‍ക്ക് 12 സീറ്റിലാണ് മേധാവിത്വമുള്ളത്.
