24 മണിക്കൂറിനിടെ 55,079 പേർക്ക് കൊവിഡ്, 876 മരണം, രാജ്യത്ത് കൊവിഡ് ബാധിതർ 27,02,743

കഴിഞ്ഞ 24 മണിക്കൂറിനിടെ 55,079 പേർക്ക് രാജ്യത്ത് കൊവിഡ് ബാധ. ഇതോടെ രാജ്യത്ത് ആകെ കൊവിഡ് സ്ഥിരീകരിച്ചവരുടെ എണ്ണം 27,02,743 ആയി. 876 പേരാണ് ഇന്നലെ മാത്രം രാജ്യത്ത് മരണപെട്ടത്. ഇതോടെ രാജ്യത്ത് ആകെ മരണസംഖ്യ 51,797 ആയി ഉയർന്നു. 6,73,166 പേരാണ് നിലവിൽ ചികിത്സയിലുള്ളത്. 19,77,780 പേർ രാജ്യത്ത് കൊവിഡിൽന്നും രോഗമുക്തി നേടി. 

മഹാരാഷ്ട്രയിൽ മാത്രം 6,04,358 പേർക്കാണ് കൊവിഡ് സ്ഥിരീകരിച്ചത്. 3,38,055 പേർക്ക് തമിഴ്നാട്ടിൽ രോഗം സ്ഥിരീകരിച്ചു. ആന്ധ്രാപ്രദേശിൽ കൊവിഡ് ബാധിതരുടെ എണ്ണം 2,89,000 ആയി. കർണാടകയിൽ കൊവിഡ് സ്ഥിരീകരിച്ചവരുടെ എണ്ണം 2,26,966 ആയി ഉയർന്നു. ഉത്തർപ്രദേശിൽ 1,52,580 പേർക്കാണ് കൊവിഡ് സ്ഥിരീകരിച്ചത്.