കൂവത്തൂര്‍ റിസോര്‍ട്ടില്‍ പൊലീസ് പരിശോധന നടത്തുന്നു. എം എല്‍ എമാരെ പാര്‍പ്പിച്ചിരിക്കുന്ന റിസോര്‍ട്ടാണ്. തങ്ങളുടെ അനുമതിയില്ലാതെ ശശികലയും എടപ്പാടി പളനിസ്വാമിയും റിസോര്‍ട്ടില്‍ നിര്‍ബന്ധപൂര്‍വ്വം താമസിപ്പിക്കുകയാണെന്ന് കാണിച്ച് മധുര സൌത്ത് എം എല്‍ എ ശരവണന്‍ കൂവത്തൂര്‍ പൊലീസ് സ്റ്റേഷനില്‍ പരാതി നല്കിയിരുന്നു.
അതേസമയം, കീഴടങ്ങുന്നതിനായി ശശികല കാര്‍ മാര്‍ഗം ബംഗളൂരുവിലേക്ക് പോയിരിക്കുകയാണ്. മറീന ബീച്ചില്‍ ജയ സ്മാരകത്തില്‍ എത്തി പ്രാര്‍ത്ഥന നടത്തിയ ശശികല രാമാവരത്തുള്ള എം ജി ആറിന്റെ വസതിയിലുമെത്തി പ്രാര്‍ത്ഥന നടത്തി. ശശികല കീഴടങ്ങാന്‍ എത്തുന്ന പശ്ചാത്തലത്തില്‍ പരപ്പന അഗ്രഹാര ജയിലിനു സമീപം 144 പ്രഖ്യാപിച്ചിരിക്കുകയാണ്.
