സ്വന്തം കാര്‍ ഓടിച്ച് ട്രാൻസ്പോർട്ട് ഭവനിലെ ഓഫീസിലെത്തിയ കണ്ണന്താനത്തെ സുരക്ഷാ ഉദ്യോഗസ്ഥര്‍ തടഞ്ഞുവെന്നാണ് വാർത്ത. കേന്ദ്രമന്ത്രി അല്‍ഫോൺസ് കണ്ണന്താനത്തെ ഗേറ്റിലുണ്ടായിരുന്ന സുരക്ഷാ ഉദ്യോഗസ്ഥരാണ് തടഞ്ഞുവെച്ചത്. അദ്ദേഹത്തിന്റെ വാഹനത്തില്‍ ഔദ്യോഗിക സ്റ്റിക്കറില്ലാത്തതും, സര്‍ക്കാര്‍ വാഹനമല്ലാത്തുമാണ് മന്ത്രിയെ തടയാനുണ്ടായ കാരണം.
പ്രവേശന കവാടത്തില്‍ വച്ച് തന്നെ തടഞ്ഞ സുരക്ഷാ ഉദ്യോഗസ്ഥരോട് മന്ത്രി തട്ടിക്കയറിയില്ല. പകരം, സമാധാനത്തോടെ വിവരങ്ങള്‍ ധരിപ്പിച്ചു. തുടർന്ന് കാര്യങ്ങൾ ഉറപ്പുവരുത്തിയ ശേഷമാണ് സുരക്ഷാ ഉദ്യോഗസ്ഥര്‍ മന്ത്രിയെ കടത്തിവിട്ടത്.
