സ്വാതന്ത്ര്യദിനാഘോഷത്തില്‍ പങ്കെടുക്കവെ രവീണ ടണ്ഠനെ സംഘാടകന്‍ അപമാനിച്ചു
ലോസ് ഏഞ്ചലസില്‍ ഇന്ത്യന്‍ സ്വാതന്ത്ര്യദിനാഘോഷത്തില്‍ പങ്കെടുക്കവെ ബോളിവുഡ് നടി രവീണാ ടണ്ഠനെ സംഘാടകന്‍ അപമാനിച്ചതായി റിപ്പോര്‍ട്ടുകള്‍. പരിപാടി നടക്കുന്ന വേദിയിലേക്ക് കയറിവന്ന ഇന്ത്യക്കാരനായ സംഘാടകന്‍ നടിയെ അസഭ്യം പറയുകയായിരുന്നുവെന്നാണ് റിപ്പോര്‍ട്ടുകള്‍. ഞായറാഴ്ച വൈകിട്ട് ആഘോഷങ്ങളുടെ സമാപനത്തിലാണ് നീരജ് അഗ്‌നിഹോത്രി എന്ന സംഘാടകന്‍ രവീണയെ അപമാനിച്ചത്. നന്നായി മദ്യപിച്ച് വേദിയില്‍ കയറിയ ഇയാള്‍ രവീണയെ അസഭ്യം പറയുകയായിരുന്നു.
