ടെലിവിഷനില്‍ സംസാരിക്കുന്ന പ്രധാനമന്ത്രി എന്തുകൊണ്ടാണ് പാര്‍ലമെന്റില്‍ എത്തി എം പിമാരോട് സംസാരിക്കാത്തത്. ടി വിയിലും പോപ് സംഗീതമേളകളിലും അദ്ദേഹം സംസാരിക്കുന്നു. എന്നാല്‍, പാര്‍ലമെന്റില്‍ എത്തുന്നില്ലെന്നും രാഹുല്‍ ഗാന്ധി ആരോപിച്ചു. 500 രൂപ, 1000 രൂപ നോട്ടുകള്‍ അസാധുവാക്കിയ നടപടി സംബന്ധിച്ച് പ്രധാനമന്ത്രി പാര്‍ലമെന്റില്‍ സംസാരിക്കണമെന്ന് അദ്ദേഹം ആവശ്യപ്പെട്ടു.
അതേസമയം, നോട്ട് അസാധുവാക്കിയതിനെ രാജ്യത്തെ തുടര്‍ന്ന് 90 ശതമാനം ബാങ്കുകള്‍ക്ക് മുന്നില്‍ വരിനിന്ന് ബുദ്ധിമുട്ടുകയാണെന്ന് ബി എസ് പി നേതാവ് മായാമതി ആരോപിച്ചു. സൂക്ഷ്‌മതയില്ലാതെ ഇത്തരമൊരു തീരുമാനം എടുത്ത നരേന്ദ്ര മോഡി ജനങ്ങളോട് മാപ്പു പറയണമെന്നും മായാവതി ആവശ്യപ്പെട്ടു.
