മോദിയെ കള്ളനെന്ന് വിളിക്കാൻ പാടില്ല? - പണികിട്ടിയത് പ്രകാശ് രാജിനും ജിഗ്നേഷ് മേവാനിക്കും

ചൊവ്വ, 1 മെയ് 2018 (16:37 IST)
പ്രധാനമന്ത്രി നരേന്ദ്രമോദിക്കെതിരെ അപകീര്‍ത്തികരമായ പ്രസ്താവന നടത്തിയെന്ന് ആരോപിച്ച് നടന്‍ പ്രകാശ് രാജിനും, സ്വതന്ത്ര എം.എല്‍.എ ജിഗ്‌നേഷ് മേവാനിക്കുമെതിരെ ബിജെപിയുടെ പരാതി. കര്‍ണാടകയിലെ ബിജെപി ജില്ലാ നേതൃത്വമാണ് ഇരുവർക്കുമെതിരെ പരാതി നല്‍കിയിരിക്കുന്നത്.  
 
ഏപ്രില്‍ 29 ന് ബെംഗളൂരുവില്‍ നടന്ന ചടങ്ങിനിടെയാണ് ജിഗ്‌നേഷ് മേവാനി പ്രധാനമന്ത്രിയെ രാജ്യത്തെ വില്‍പ്പന നടത്തുന്ന കോര്‍പ്പറേറ്റ് സെയില്‍മാനെന്നും കള്ളനെന്നും വിളിച്ചത്. ജിഗ്‌നേഷ് മേവാനിക്കൊപ്പം പ്രകാശ് രാജും പ്രധാനമന്ത്രിയെ പല സന്ദര്‍ഭങ്ങളിലും അപകീര്‍ത്തിപ്പെടുത്താന്‍ ശ്രമിച്ചുവെന്ന് പരാതിയില്‍ ചൂണ്ടിക്കാട്ടുന്നുണ്ട്.  
 
മോദിയുടെയും യെദ്യൂരപ്പയുടെയും പ്രതിച്ഛായ തകര്‍ക്കാനുള്ള ശ്രമത്തിന്റെ ഭാഗമായാണ് ജിഗ്നേഷ് മേവാനിയും പ്രകാശ് രാജും ഇത്തരം പരാമര്‍ശങ്ങള്‍ നടത്തുന്നതെന്നും ബിജെപി ആരോപിക്കുന്നു.  

വെബ്ദുനിയ വായിക്കുക

അനുബന്ധ വാര്‍ത്തകള്‍