നിർഭയകേസിൽ തൂക്കിക്കൊല്ലാൻ വിധിച്ച പ്രതികളുടെ അവയവങ്ങൾ ദാനം ചെയ്യാൻ നിർദേശിക്കണമെന്ന് ആവശ്യപ്പെട്ട് സുപ്രീം കോടതിയിൽ ഹർജി. മുംബൈ ഹൈക്കോടതി മുന്‍ ജഡ്ജി മൈക്കിള്‍ എസ് സല്‍ധാന്‍ഹ, ഓഫ് ദ പീപ്പിള്‍സ് യൂണിയന്‍ ഫോര്‍ സിവില്‍ ലിബര്‍ട്ടീസിന്റെ മംഗളുരു ചാപ്റ്റര്‍ പ്രസിഡന്റ്, അഭിഭാഷകനായ ദില്‍രാജ് രോഹിത് സെക്വിറ എന്നിവരാണ് ഹര്‍ജി നല്‍കിയത്.
അതേസമയം, പ്രതി വിനയ് ശര്‍മയ്ക്ക് മാനസിക പ്രശ്നമുണ്ടെന്ന് കാണിച്ച് അഭിഭാഷകന്‍ എ.പി സിംഗ് ദല്‍ഹി കോടതിയില്‍ ഹരജി നല്‍കിയിരുന്നു. പ്രതിക്ക് സ്വന്തം അമ്മയെ പോലും തിരിച്ചറിയാൻ സാധിക്കുന്നില്ലെന്നായിരുന്നു ഹർജിയിൽ പറഞ്ഞത്. എന്നാൽ ഇതിനെതിരെ നിർഭയയുടെ അമ്മ ആശാദേവി രംഗത്തെത്തി.
