രാജസ്ഥാനില്‍ ഭീതി പടര്‍ത്തി അജ്ഞാത രോഗം. സിരോഹി ജില്ലയില്‍ ഏഴ് കുട്ടികള്‍ മരിച്ചു. പനി മുതല്‍ ചുഴലിയുടേത് പോലുള്ള ലക്ഷണങ്ങളും ഇവരില്‍ പ്രകടമായതായി റിപ്പോര്‍ട്ടില്‍ പറയുന്നു. അണുബാധ മൂലം ഏഴ് കുട്ടികള്‍ മരിച്ചതായി രാജസ്ഥാന്‍ ആരോഗ്യമന്ത്രി പര്‍സാദി ലാല്‍ മീന അറിയിച്ചു. ശീതളപാനീയങ്ങള്‍ കഴിച്ചതാണ് മരണകാരണമെന്നാണ് കുട്ടികളുടെ കുടുംബം നല്‍കുന്ന വിവരം.
ഗ്രാമത്തിലെ വിവിധ കടകളില്‍ നിന്ന് മെഡിക്കല്‍ സംഘം ഈ പാനീയങ്ങളുടെ സാംപിളുകള്‍ ശേഖരിച്ച് പരിശോധന നടത്തുകയും തല്‍ക്കാലം വില്‍പ്പന നിര്‍ത്താന്‍ ആവശ്യപ്പെടുകയും ചെയ്തു. എന്നാല്‍ ഈ കേസുകളുടെ മെഡിക്കല്‍ അന്വേഷണത്തില്‍ മരണകാരണം വൈറല്‍ അണുബാധ മൂലമാണെന്നും ശീതളപാനീയങ്ങള്‍ കഴിച്ചതുകൊണ്ടല്ലെന്നും സംഭവത്തോട് പ്രതികരിച്ച് രാജസ്ഥാന്‍ ആരോഗ്യമന്ത്രി പ്രസാദി ലാല്‍ മീണ പറഞ്ഞു.
