സ്കൂൾ യൂണിഫോം ധരിക്കാത്ത പെൺകുട്ടികളോട് മോശമായി സംസാരിച്ച പെഇൻസിപ്പാളിനെതിരെ കേസ്. മധ്യപ്രദേശ് രാജ്‌ഗഡ് ജില്ലയിലെ സർക്കാർ ഹയർ സെക്കൻഡറി സ്കൂൾ പ്രിൻസിപ്പൽ രാധേശ്യാം മാളവ്യക്കെതിരെയാണ് പോലീസ് കേസ് ഫയൽ ചെയ്‌തത്. യൂണിഫോം ധരിക്കാത്തെ വിദ്യാർഥിനികളെ ഓഫീസിലേക്ക് വിളിപ്പിച്ചാണ് പ്രിൻസിപ്പൽ മോശമായി സംസാരിച്ചതെന്ന് പരാതിയിൽ പറയുന്നു.
ആൺകുട്ടികൾക്കൊപ്പം നടക്കാനല്ലേ സ്കൂളിലേക്ക് വരുന്നതെന്നും പോയി കല്യാണം കഴിച്ചുകൂടെയെന്നും പ്രിൻസിപ്പാൾ ചോദിച്ചതായി പെൺകുട്ടികൾ മാധ്യമപ്രവർത്തകരോട് പറഞ്ഞു. പെൺകുട്ടികളുടെ വസ്‌ത്രം സ്കൂളിലെ ആൺകുട്ടികളെ നശിപ്പിക്കുന്നുവെന്നും യൂണിഫോം ഇല്ലെങ്കിൽ നഗ്നരായി സ്കൂളിലേക്ക് വരുവെന്നും പ്രിൻസിപ്പാൾ പറഞ്ഞതായി കുട്ടികൾ പറഞ്ഞു.
