ജനങ്ങളുടെ സ്വത്തും ജീവനും സംരക്ഷിക്കുന്നതിനുള്ള ഉത്തരവാദിത്തം സംസ്ഥാന സര്‍ക്കാരുകളില്‍ നിക്ഷിപ്തമാണെന്നും അതു പ്രകാരമാണ് ഇത്തരമൊരു നടപടിയെന്നും കർണാടക സുപ്രീം കോടതിയിൽ വ്യക്തമാക്കും.അതേസമയം കർണാടക അതിർത്തി തുറന്നുതരില്ലെന്ന് കർണാടകയിലെ ബിജെപി അധ്യക്ഷനായ നളിങ്കുമാർ കട്ടീൽ ട്വീറ്റ് ചെയ്‌തു.സേവ് കര്‍ണാടക ഫ്രം പിണറായി' എന്ന ഹാഷ്ടാഗിലായിരുന്നു കട്ടീലിന്റെ ട്വീറ്റ്. കാസർകോടിലെ കൊവിഡ് കേസുകളുടെ എണ്ണം കർണാടകയേക്കാൾ കൂടുതലാണെന്നും ഇത്തരമൊരു സാഹചര്യത്തിൽ കര്‍ണാടകത്തിലെ ജനങ്ങളുടെ സുരക്ഷയാണ് പ്രഥമ പരിഗണനയെന്നും ട്വീറ്റില്‍ പറയുന്നു.
