119 നിയമസഭാ സീറ്റുകളുള്ള തെലങ്കാനയില്‍ 63 സീറ്റ് നേടിയാണ് ടിആര്‍എസ് അധികാരത്തിലേറുന്നത്. ഇന്നലെ രാത്രി മുഴുവന്‍ ആന്ധ്രാപ്രദേശ് ആഘോഷലഹരിയിലായിരുന്നു. ഞായറാഴ്ച രാത്രി 12 മണിക്ക് തെലുങ്കാന പിറന്നതോടെ വെടിക്കെട്ടും പൂത്തിരിമേളവും നടന്നു. നഗരം മുഴുവന്‍ ചന്ദ്രശേഖര്‍ റാവുവിന്‌ അഭിവാദ്യമര്‍പ്പിച്ചുള്ള പടുകൂറ്റന്‍ കട്ടൗട്ടുകളാണ്. ടിആര്‍എസിന്റെ ആസ്ഥാനമായ തെലങ്കാന ഭവനിലെ ആഘോഷ പരിപാടികളില്‍ ചന്ദ്രശേഖര്‍ റാവുവിന്റെ മകളും എംപിയുമായ കവിതയും പങ്കെടുത്തു.
