ആർത്തവമുള്ളപ്പോൾ പാചകം ചെയ്യുന്ന സ്ത്രീകൾ അടുത്ത ജന്മം നായയായ് ജനിക്കുമെന്ന് ഹിന്ദു സന്യാസി. ഗുജറാത്തിലെ സ്വാമിനാരയൻ ഭുജ് മന്ദിറിലെ സ്വാമി കൃഷ്ണസ്വരൂപ് ദാസ്‌ജിയാണ് കടുത്ത സ്ത്രീവിരുദ്ധ പരാമർശം നടത്തിയത്. ആർത്തവമുള്ള സ്ത്രീകൾ പാചകം ചെയ്ത ഭക്ഷണം കഴിച്ച ആണുങ്ങൾ അടുത്ത ജന്മം കാളയായി ജനിക്കുമെന്നും സന്യാസി പറയുന്നു.
ഞാനിത് പറഞ്ഞു എന്നതുകൊണ്ട് എല്ലാവരും വിചാരിക്കും ഞാൻ കടുത്ത ഗൗരവക്കാരനാണെന്ന്. ഞങ്ങൾ നായ്ക്കളാവുമെന്ന് പറഞ്ഞുകൊണ്ട് സ്ത്രീകൾ കരയും. അത് തന്നെയാണ്, നിങ്ങൾക്ക് പട്ടിയാവേണ്ടി വരും.." ഒരു മണിക്കൂർ നീണ്ട പ്രസംഗത്തിൽ സന്യാസി പറഞ്ഞു.
പത്ത് വർഷത്തിൽ ഇതാദ്യമായാണ് താൻ ഉപദേശിക്കുന്നത് എന്ന് പറഞ്ഞ സ്വാമി ആണുങ്ങൾ പാചകം ചെയ്യാൻ പഠിക്കണം എന്നും പറഞ്ഞു. 'എങ്കിൽ മാത്രമേ മതത്തിന്റെ നിയമങ്ങൾ പാലിച്ചു കൊണ്ടുപോവാൻ പറ്റൂ,' കൃഷ്ണസ്വരൂപ് ദാസ്ജി പറഞ്ഞു.
