ഭാര്യയും മുന്‍ എംഎല്‍എയും കൂടിയായ അനിതയ്ക്ക് മൊത്തം 154.39 കോടിയുടെ ആസ്തിയാണുള്ളത്. മുന്‍ പ്രധാനമന്ത്രി എച്ച് ഡി ദേവഗൗഡയുടെ മകന്‍ കൂടിയായ കുമാരസ്വാമിക്ക് 54.65 കോടിയുടെ ആസ്തിയാണുള്ളത്. കുമാരസ്വാമിക്ക് സ്വന്തമായി കാറില്ല. 12.55 ലക്ഷം രൂപയുടെ ട്രാക്ടറാണുള്ളത്. ഭാര്യയ്ക്ക് 11.15 ലക്ഷം രൂപയുടെ കാറുണ്ട്. കുമാരസ്വാമിയുടെ കൈവശം 47.06 ലക്ഷത്തിന്റെ സ്വര്‍ണവും 2.60 ലക്ഷം രൂപ വിലവരുന്ന വജ്രവും 37.48 കോടിയുടെ കൃഷിഭൂമിയും 6.46 കോടിയുടെ വീടുമുണ്ട്. അനിതയ്ക്ക് 28.38 കോടി രൂപയുടെ കൃഷിഭൂമിയും 35.69 കോടി രൂപയുടെ രണ്ട് വാണിജ്യകെട്ടിടങ്ങളും ഉള്ളതായി സത്യവാങ്മൂലത്തില്‍ പറയുന്നു.
