തിരഞ്ഞെടുപ്പിലെ തിരിച്ചടി മോഡിയുടെ പരാജയമെന്ന് ഹസാരെ
ഡല്‍ഹി നിയമസഭാതെരഞ്ഞെടുപ്പിലെ ബിജെപിയുടെ കനത്ത പരാജയം പ്രധാനമന്തി നരേന്ദ്ര മോഡിയുടെ പരാജയമാണെന്ന് അണ്ണാ ഹസാരെ. മുഖ്യമന്ത്രിയായാലും നടത്തിവന്ന പോരാട്ടങ്ങള്‍ കേജരിവാള്‍ മറന്നുപോകരുതെന്നും കഴിഞ്ഞ തവണ ഭരണത്തിലേറിയപ്പോളുണ്ടായ വീഴ്ചകള്‍ പരിഹരിക്കുവാന്‍ കേജരിവാളിന് കഴിയണമെന്നും അദ്ദേഹം പറഞ്ഞു.
ചരിത്രപരമായ തിരിച്ചുവരവോടെ വീണ്ടും ഡല്‍ഹിയുടെ മുഖ്യമന്ത്രിയാകാനൊരുങ്ങുകയാണ് കെജ്രിവാള്‍. എക്സിറ്റ് പോളുകളെ പോലും തോല്‍പ്പിക്കുന്ന വിജയത്തോടെയാണ് കെജ്രിവാള്‍ അധികാരത്തിലെത്തുന്നത്. 70ല്‍ 65 സീറ്റുകളാണ് എ‌എപി നേടിയിരിക്കുന്നത്. കോണ്‍ഗ്രസിനും ബിജെപിക്കും ബദലായി പുതിയൊരു രാ‍ഷ്ട്രീയ കാഴ്ചപ്പാടാണ് ഡല്‍ഹിയില്‍ ഉയര്‍ന്നു വന്നിരിക്കുന്നത്.
