സദ്ഭരണത്തിന്റെയും വികസനത്തിന്റെയും ഫലമാണ് ഈ വിജയം: മോദി
സർക്കാരിന്റെ വികസന പ്രവർത്തനങ്ങൾക്കും പരിഷ്കാരങ്ങൾക്കുമുള്ള അംഗീകാരമാണ് ഈ തെരഞ്ഞെടുപ്പ് ഫലമെന്ന് പ്രധാനമന്ത്രി നരേന്ദ്ര മോദി. ഗുജറാത്തിലെയും ഹിമാചൽ പ്രദേശിലെയും പ്രവര്‍ത്തകരുടെ ശ്രമങ്ങളാണ് വിജയത്തിന് കാരണമായത്. ഇവരുടെ കഠിനാധ്വാനത്തെ സല്യൂട്ട് ചെയ്യുന്നുവെന്നും മോദി പറഞ്ഞു.
രണ്ടു സംസ്ഥാനങ്ങളിലെയും വിജയം ബിജെപിയുടെ സദ്ഭരണത്തിന്റെയും വികസനത്തിന്റെയും ഫലമാണ്. ബിജെപിയെ അധികാരത്തിൽ എത്തിച്ച ജനങ്ങളുടെ സ്നേഹത്തിന് മുന്നിൽ തല കുനിക്കുന്നു. ജയത്തോടെ ജനോപകാരപ്രദമായ വികസനം നടത്തുമെന്നും പ്രധാനമന്ത്രി വ്യക്തമാക്കി.
ജനങ്ങള്‍ക്കായി പാര്‍ട്ടി അക്ഷീണം പ്രവര്‍ത്തനം തുടരും. ഗുജറാത്തിലും ഹിമാചലിലും സുസ്ഥിര വികസനം സാധ്യമാകുമെന്നും പ്രധാനമന്ത്രി ട്വിറ്ററിലൂടെ വ്യക്തമാക്കി. ഗുജറാത്തിൽ തുടർച്ചയായ ആറാം തവണയാണു ബിജെപി അധികാരത്തിലെത്തിയത്.
