തെരഞ്ഞെടുപ്പില്‍ തനിക്കു കിട്ടിയ വലിയ ഭൂരിപക്ഷം ജനങ്ങളുടെ ക്ഷേമ പ്രവര്‍ത്തനങ്ങള്‍ക്കായി ഉപയോഗിക്കുന്നതിനു പകരം , നിഷേധ സ്വഭാവവും അഹങ്കാരവും കൊണ്ട് കഴിഞ്ഞ പത്തുമാസക്കാലമായി ഡല്‍ഹി ജനതയുടെ അപ്രീതി പിടിച്ചു വാങ്ങുകയാണു കെജ്‌രിവാള്‍ ചെയ്യുന്നതെന്നും കട്ജു ലേഖനത്തില്‍ പറയുന്നു.
ഡല്‍ഹിയില്‍ ശക്തി തെളിയിച്ച രണ്ടു രാഷ്‌ട്രീയ പാര്‍ട്ടികളെ ഉന്നം വെച്ചു കൊണ്ടും ഡല്‍ഹി പൊലീസിന്റെ ചുമതലയുള്ള കേന്ദ്ര സര്‍ക്കാരിനെ ശത്രുപക്ഷത്താക്കിയും അവരുടെ അപ്രീതി നേടി. ഇപ്പോള്‍ വാഹനങ്ങള്‍ക്ക് നിയന്ത്രണം ഏര്‍പ്പെടുത്തി സ്വന്തം ജനതയുടെ അപ്രീതിക്കു കൂടി വഴിയൊരുക്കി. ആലീസ് ഇന്‍ വണ്ടര്‍ലാന്റിലെ മാഡ് ഹാറ്ററിനെയാണ് കെജ്‌രിവാള്‍ അനുസ്മരിപ്പിക്കുന്നതെന്നും കട്ജു പറഞ്ഞു.
