മുന്‍ കേന്ദ്ര പ്രതിരോധമന്ത്രി ജോര്‍ജ് ഫെര്‍ണാണ്ടസ് (88) അന്തരിച്ചു. ഡല്‍ഹിയില്‍ വച്ചാണ് അന്ത്യം സംഭവിച്ചത്. മറവിരോഗത്തിന് ചികിത്സയില്‍ കഴിവേയാണ് മരണം. പ്രതിരോധത്തിന് പുറമെ വാര്‍ത്താവിനിമയം, വ്യവസായം, റെയില്‍വേ വകുപ്പുകളുടെ ചുമതല വഹിച്ചിട്ടുണ്ട്.
കൊങ്കണ്‍ റയില്‍വേ യഥാര്‍ത്ഥ്യമായത് ജോര്‍ജ് ഫെര്‍ണാണ്ടസ് റെയില്‍വേ മന്ത്രിയായിരുന്ന കാലത്താണ്. കാര്‍ഗില്‍ യുദ്ധ സമയത്ത് പ്രതിരോധ വകുപ്പ് കൈകാര്യം ചെയ്തിരുന്നു. രാഷ്ട്രീയത്തിൽ സജീവമായിരുന്ന കാലത്താണ് അദ്ദേഹത്തിനു അല്‍ഷിമേഴ്സ് പിടിപെടുന്നത്. അധികം വൈകാതെ തന്നെ പാര്‍ക്കിന്‍സണ്‍സ് രോഗവും അദ്ദേഹത്തെ പിടികൂടി. അതിനുശേഷമാണ് രാഷ്ട്രീയത്തിൽ നിന്നും ഫെര്‍ണാണ്ടസ് പിന്മാറിയത്.
