ജനപ്രിയ പദ്ധതികള്‍ പ്രഖ്യാപിച്ച് തമിഴ്നാട് മുഖ്യമന്ത്രി എടപ്പാടി പളനിസാമി. തമിഴ്നാടിന്റെ മുഖ്യമന്ത്രിയായതിനു ശേഷം സെക്രട്ടേറിയറ്റില്‍ എത്തിയ പളനിസാമി അഞ്ച് ജനപ്രിയ പദ്ധതികളാണ് ഇന്ന് പ്രഖ്യാപിച്ചത്. ഒരുലക്ഷം സ്ത്രീകള്‍ക്ക് ജയലളിതയുടെ പേരില്‍ പകുതിവിലയ്ക്ക് ‘അമ്മ’ ഇരുചക്രവാഹനം നല്കുമെന്ന് മുഖ്യമന്ത്രി അറിയിച്ചു.
ഒരാള്‍ക്ക് 20, 000 രൂപ വരെ ഈ പദ്ധതിപ്രകാരം സബ്‌സിഡി നല്കുക. ഓരോ വര്‍ഷവും ഇതിന്റെ ഭാഗമായി 200 കോടി രൂപയാണ് സംസ്ഥാനത്തിന്റെ ബാധ്യത. കൂടാതെ, തൊഴിലില്ലായ്മ വേതനം ഇരട്ടിയാക്കുകയും ചെയ്തു.
