അസഹനീയമായ ഡിജെ ശബ്ദത്തെ തുടര്‍ന്ന് വരന്‍ വേദിയില്‍ കുഴഞ്ഞുവീണു മരിച്ചു. ബീഹാറില്‍ സീതാമര്‍ഹി ജില്ലയിലാണ് സംഭവം. വരമാല ചടങ്ങിന് ഉണ്ടായിരുന്ന അമിതമായ ശബ്ദത്തിലുള്ള ഡിജെ സംഗീതത്തില്‍ വരന്‍ അസ്വസ്ഥത പ്രകടിപ്പിച്ചിരുന്നു. എങ്കിലും ഡിജെ തുടരുകയായിരുന്നു. തുടര്‍ന്ന് കുഴഞ്ഞുവീണ വരനെ അടുത്തുള്ള പ്രാഥമിക ആശുപത്രിയില്‍ എത്തിച്ചെങ്കിലും അവിടെ നിന്നും മറ്റു ആശുപത്രിയിലേക്ക് മാറ്റുന്നതിനിടയില്‍ മരണം സംഭവിക്കുകയായിരുന്നു.
