ബുധനാഴ്ച വൈകുന്നേരത്തോടെ ഇന്റര്‍നെറ്റില്‍ താരമായി ഡല്‍ഹി മെട്രോ. ഡി എം ആര്‍ സി (ഡല്‍ഹി മെട്രോ റെയില്‍വേ കോര്‍പ്പറേഷന്‍) സംബന്ധമായ വാര്‍ത്തകള്‍ തിരഞ്ഞാണ് പലരും നെറ്റിലെത്തിയത്. കാരണം, എന്തെന്നു ചോദിച്ചാല്‍ പലരും ബ്ലൂ ലൈന്‍ മെട്രോ സ്റ്റേഷനുകളില്‍ മണിക്കൂറുകളായി ട്രയിന്‍ കിട്ടാതെ ബുദ്ധിമുട്ടുകയാണ്.
വൈകുന്നേരം, അഞ്ചരയോടെയാണ് മെട്രോ ട്രയിന്‍ കാത്തിരിക്കുകയായിരുന്ന ആളുകള്‍ തങ്ങളുടെ ദൈനംദിന ഗതാഗത ഉപാധിക്ക് എന്തുപറ്റിയെന്ന് അറിയാന്‍ കൂട്ടത്തോടെ നെറ്റിലേക്ക് എത്തിയത്. മിക്കവരും ട്വിറ്ററില്‍ ഇക്കാര്യങ്ങള്‍ ചിത്രങ്ങളോടു കൂടി വ്യക്തമാക്കുകയും ചെയ്തു.
അതേസമയം, നെറ്റ്‌വര്‍ക്ക് തകരാറിലായതിനാല്‍ മെട്രോ സേവനം ഇന്നത്തേക്ക് ഉപേക്ഷിക്കാനുള്ള നിര്‍ദ്ദേശവും സോഷ്യല്‍ മീഡിയയിലൂടെ തന്നെയെത്തി. പ്രധാനമന്ത്രിയെ ടാഗ് ചെയ്ത് പ്രശ്നം അവതരിപ്പിക്കാനും ട്വീറ്റ് ചെയ്തവരില്‍ ചിലര്‍ ശ്രദ്ധിച്ചു.
