ഡല്‍ഹിയില്‍ സിപിഎം ആം ആദ്മിയെ പിന്തുണയ്ക്കും: കാരാട്ട്
ഡല്‍ഹി നിയമസഭാ തെരഞ്ഞെടുപ്പില്‍ സിപിഎം ആം ആദ്മിയെ പിന്തുണയ്ക്കുമെന്ന് സിപിഎം ദേശീയ ജനറല്‍ സെക്രട്ടറി പ്രകാശ് കാരാട്ട് വ്യക്തമാക്കി. ഇടതു പാര്‍ട്ടികള്‍ മല്‍സരിക്കാത്ത സീറ്റുകളിലാണ് സിപിഎം ആംആദ്മിക്ക് പിന്തുണ നല്‍കുന്നതെന്നും അദ്ദേഹം പറഞ്ഞു.
ഇടതു പാര്‍ട്ടികള്‍ മല്‍സരിക്കാത്ത സീറ്റുകളില്‍ ആം ആദ്മിക്ക് വോട്ടു ചെയ്യാന്‍ അണികള്‍ക്കു നിര്‍ദ്ദേശം നല്‍കുമെന്നും. ലോക്സഭാ തെരഞ്ഞെടുപ്പില്‍ ആര്‍എസ്പി മുന്നണി വിട്ടത് തിരിച്ചടിയായെന്നും കരട് രാഷ്ട്രീയ പ്രമേയത്തിലൂടെ പ്രകാശ് കാരാട്ട് വ്യക്തമാക്കി. തെരഞ്ഞെടുപ്പ് തന്ത്രമെന്നതു പാര്‍ട്ടിക്കൊപ്പം ഇടതു സഖ്യവും ശക്തിപ്പെടുത്തുന്നതാകണമെന്നും പ്രമേയത്തില്‍ പറയുന്നുണ്ട്.
