Covid - 19 Cases in India: രാജ്യത്ത് സജീവ കോവിഡ് കേസുകള്‍ 5,000 കടന്നു. കഴിഞ്ഞ 24 മണിക്കൂറിനിടെ 764 പുതിയ കോവിഡ് കേസുകള്‍ റിപ്പോര്‍ട്ട് ചെയ്തതായി ആരോഗ്യ മന്ത്രാലയം അറിയിച്ചു. സജീവ കോവിഡ് കേസുകള്‍ 5,364 ആയി.
കഴിഞ്ഞ 24 മണിക്കൂറിനിടെ കോവിഡ് ബാധിച്ച് നാല് മരണം സ്ഥിരീകരിച്ചു. ഇതില്‍ രണ്ട് പേര്‍ കേരളത്തില്‍. പഞ്ചാബ്, കര്‍ണാടക എന്നീ സംസ്ഥാനങ്ങളില്‍ ഓരോ മരണം. ഏറ്റവും കൂടുതല്‍ കോവിഡ് രോഗികള്‍ കേരളത്തിലാണ്. കഴിഞ്ഞ 24 മണിക്കൂറിനിടെ 192 പുതിയ കോവിഡ് കേസുകളാണ് കേരളത്തില്‍ സ്ഥിരീകരിച്ചത്. ഗുജറാത്തില്‍ 107 കേസുകളും പശ്ചിമ ബംഗാളില്‍ 58 കേസുകളും റിപ്പോര്‍ട്ട് ചെയ്തിട്ടുണ്ട്.
