ധാർവാഡ്: കർണാടകയിലെ ധാർവാഡിലെ നിർമ്മാണത്തിലിരുന്ന കെട്ടിടം തകർന്നുവീണ് രണ്ട് പേർ മരിച്ചു. 40ഓളം ആളുകൾ കെട്ടിടാവശിഷ്ടങ്ങൾക്കിടയിൽ കുടുങ്ങിക്കിടക്കുന്നതായാണ് റിപോർട്ടുകൾ. 14ഓളം പേരെ രക്ഷപെടുത്തി,. ഇവരെ ആശുപത്രിയിൽ പ്രവേശിപ്പിച്ചിരിക്കുകയാണ്.
അപകടമുണ്ടാകുന്ന സമയത്ത് 100ലധികം ആളുകൾ കെട്ടിടത്തിന്റെ സമീപത്ത് ഉണ്ടായിരുന്നു എന്നാണ് ദൃക്‌സാക്ഷികൾ പറയുന്നത്. തകർന്നുവീണത് നാലുനില കെട്ടിടമാണോ അഞ്ച് നില കെട്ടിടമാണോ എന്ന കാര്യം അവ്യക്തമാണ്. രക്ഷാ പ്രവർത്തനങ്ങളുടെ ഏകോപനത്തിന് ചീഫ് സെക്രട്ടറിയെ ചുമതലപ്പെടുത്തിയതായി കർണാടക മുഖ്യമന്ത്രി എച്ച് ടി കുമാരസ്വാമൈ വ്യക്തമാക്കി.
