റെയില്‍വേ ബജറ്റ് 2015: യാത്രാനിരക്കിൽ വർധനയില്ല
റെയില്‍വേ യാത്രാനിരക്കുകളില്‍ മാറ്റമുണ്ടാകില്ലെന്ന് റെയില്‍വേ മന്ത്രി സുരേഷ് പ്രഭു അറിയിച്ചു. കൂടാതെ റെയില്‍വേയില്‍ ശുചീകരണ പരിപാടികള്‍ക്കു സ്വകാര്യ പങ്കാളിത്തം കൊണ്ടുവരുമെന്നും. റെയില്‍വേയില്‍ പ്രധാനമന്ത്രിയുടെ സ്വച്ഛ ഭാരത് പദ്ധതി നടപ്പാക്കും. ഇതിനായി പ്രത്യേക ഓഫിസ് തുറക്കുമെന്നും അദ്ദേഹം പറഞ്ഞു.
സുരക്ഷിത യാത്ര, നവീനമായ അടിസ്ഥാന സൗകര്യങ്ങള്‍, സാമ്പത്തിക സ്വയംപര്യാപ്തത എന്നിവയിലെ പൂര്‍ണത റെയില്‍വേ കൈവരിക്കണമെന്നും. നിക്ഷേപങ്ങളുടെ കുറവ് റയിൽവേയുടെ സൗകര്യങ്ങളെ ബാധിച്ചിട്ടുണ്ടെന്നും. അതിനാല്‍ വിദേശ നിക്ഷേപങ്ങള്‍ പരിഗണിക്കുമെന്നും സുരേഷ് പ്രഭു അറിയിച്ചു. റെയില്‍വേയുടെ ശേഷി വര്‍ധിപ്പിക്കുന്നതിനായി പാത ഇരട്ടിപ്പിക്കലിനും വൈദ്യുതീകരണത്തിനും മുന്‍ഗണന നല്‍കുമെന്നും അദ്ദേഹം അറിയിച്ചു.
