ബി ജെ പിയുടെ ആദ്യ സ്ഥാനാർത്ഥി പട്ടിക; മോദി വാരണാസിയിൽ, കേരളത്തിൽ 12 മണ്ഡലങ്ങളിലെ സ്ഥാനാർത്ഥികളെ പ്രഖ്യാപിച്ചു, തിരുവനന്തപുരത്ത് കുമ്മനം, പത്തനം‌തിട്ടയിൽ തീരുമാനമായില്ല
ലോക്സഭാ തിരഞ്ഞെടുപ്പിനായുള്ള ആദ്യ സ്ഥാനാർത്ഥി പട്ടിക ബി ജെ പി പുറത്തുവിട്ടു. തിരഞ്ഞെടുപ്പിന്റെ ചുമതലയുള്ള കേന്ദ്രമന്ത്രി ജെ പി നഡ്ഡയാണ് 182 പേർ അടങ്ങുന്ന ആദ്യ സ്ഥാനാർത്ഥി പട്ടിക പുറത്തുവിട്ടത്. പ്രധാന മന്ത്രി നരേന്ദ്ര മോദി വാരണസിയിൽ നിന്നും ജനവിധി തേടും. ബി ജെ പി ദേശീയ അധ്യക്ഷൻ അമിത് ഷാ ഗാന്ധി നഗറിൽ നിന്നുമാണ് മത്സരിക്കുക.
കേരളത്തിൽ ബി ജെ പിയുടെ 14 മണ്ഡലങ്ങളിൽ 12 മണ്ഡലങ്ങളിലേക്കുള്ള സ്ഥാനാർത്ഥികളെ മാത്രമാണ് ഇപ്പോൾ പ്രഖ്യാപിച്ചിരിക്കുന്നത്. തർക്കം നിലനിൽക്കുന്ന പത്തനംതിട്ട മണ്ഡലത്തിലും ആലപ്പുഴയിലും സ്ഥാനാർത്ഥികളെ പിന്നീട് പ്രഖ്യാപിക്കും. തിരുവനന്തപുരത്തുനിന്നും കുമ്മനം രാജശേഖരൻ ജനവിധി തേടും, ചലക്കുടിയിൽ എ എൻ രാധാകൃഷ്ണനും, ആറ്റിങ്ങലിൽ ശോഭ സുരേന്ദ്രനും മത്സരിക്കും.
