കോണ്‍ഗ്രസുമായി കൈകോര്‍ത്ത സിപിഎം ബംഗാള്‍ ഘടകത്തിന്റെ തെറ്റു തിരുത്താനുള്ള പൊളിറ്റ് ബ്യൂറോയുടെ ശ്രമം പരാജയപ്പെട്ടു. പിബി അംഗങ്ങള്‍ ദൈവങ്ങളല്ലെന്നും ഡല്‍ഹിയിലിരുന്നവര്‍ക്കു സംസ്ഥാനത്തെ സ്ഥിതി അറിയില്ലെന്നും സംസ്ഥാനത്തെ സമിതിയില്‍ വിമര്‍ശമനുയര്‍ന്നു. സംസ്ഥാനത്തു കോണ്‍ഗ്രസുമായി സഹകരിച്ചുള്ള പ്രവര്‍ത്തനം തുടരാനാണു ബംഗാള്‍ ഘടകത്തിന്റെ തീരുമാനം.
സംസ്ഥാന സമിതിയില്‍ പ്രസംഗിച്ച 30 പേരില്‍ 27 പേരും തള്ളണമെന്ന് ആവശ്യപ്പെട്ടു. പാര്‍ട്ടി മുഖപത്രമായ ഗണശക്തിയില്‍ നിന്നുള്ള ദേബശിബ് ചക്രവര്‍ത്തി, അമല്‍ ഹല്‍ദര്‍(കിസാര്‍ സഭ), മുസാഫിര്‍ ഹുസൈന്‍(മുര്‍ഷിദാബാദ്)എന്നിവര്‍ മാത്രമാണു കേന്ദ്ര നിലപാടിനെ അനുകൂലിച്ചത്.
